Президентнинг 30.08.2017 йилдаги ПҚ–3249-сон қарори билан 2017—2019 йилларда давлат карантин хизмати фаолиятини такомиллаштириш чора-тадбирлари дастури тасдиқланди.
У 4 та асосий йўналиш бўйича чора-тадбирларни ўз ичига олади:
- норматив-ҳуқуқий базаси такомиллаштириш. Хусусан, «Ўсимликлар карантини тўғрисида»ги Қонунга тузатишлар киритиш, ўсимликлар карантини бўйича давлат хизмати тизимида рухсат бериш тартиб-таомилларидан ўтиш тартиби тўғрисидаги низомни ишлаб чиқиш ва тасдиқлаш ҳамда бошқалар режалаштирилган;
- давлат фитосанитария назоратини такомиллаштириш ва республикада мақбул фитосанитария шароитини таъминлаш;
- давлат карантин хизматининг моддий-техник базасини янада мустаҳкамлаш;
- карантин хизмати тизимини малакали кадрлар билан таъминлаш бўйича чора-тадбирлар.
Шунингдек, Вазирлар Маҳкамаси ҳузуридаги Ўсимликлар карантини давлат инспекциясининг Ўсимликлар карантини тизимини ривожлантириш жамғармаси ташкил этилди, унинг даромадларини шакллантириш манбалари ҳамда молиялаштириш йўналишлари тасдиқланди (қуйидаги жадвалга қаранг).
|
Шакллантириш манбалари |
Молиялаштириш йўналишлари
|
|
- уруғликлар, ўсимликлар ва ўсимлик маҳсулотларини импорт қилиш учун карантин рухсатномаларини расмийлаштириш учун олинадиган тўловлар; - таркибида уруғлар, ўсимликлар ва ўсимлик маҳсулотлари бўлган, мамлакат ҳудуди орқали транзит бўйича олиб ўтилаётган юкларга карантин рухсатномасини расмийлаштиришдан олинган тўловлар; - уруғлар, ўсимликлар ва ўсимлик маҳсулотларини экспорт қилишда фитосанитария сертификатларини расмийлаштириш учун олинадиган тўловлар; - экспорт ва импорт қилинаётган ўсимликлар карантини назоратидаги маҳсулотларнинг намуналарини лаборатория экспертизасидан ўтказилиши учун олинадиган тўловлар; - экспорт ва импорт қилинаётган ўсимликлар карантини назоратидаги маҳсулотларни зарарсизлантириш бўйича фумигация ишлари ўтказилганлиги учун олинадиган тўловлар; - карантиндаги юкларни Ўзбекистон ҳудуди ичида карантин фитосанитария сертификатини расмийлаштирганлик ва тақдим этганлик учун олинадиган тўловлар; - ўсимликлар карантини соҳасидаги маъмурий ҳуқуқбузарлик учун қонунчиликка мувофиқ ундириладиган жарималар; - қонунчиликда тақиқланмаган бошқа манбалар.
|
– Вазирлар Маҳкамаси ҳузуридаги Ўсимликлар карантини давлат инспекциясига юкланган вазифа ва функцияларни бажариш; – илмий-тадқиқот ишларини молиялаштириш; – моддий-техник базани мустаҳкамлаш; – ходимларни қайта тайёрлаш ва малакасини ошириш тизимини такомиллаштириш; – ўсимликлар карантини давлат хизмати мутахассисларини моддий рағбатлантириш. |
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов,
экспертимиз.
