Амбулаторияда даволанишда имтиёзли таъминлаш учун мўлжалланган дори воситаларининг рўйхати кенгайтирилди (11.06.2019 йилда 2522-2-сон билан рўйхатдан ўтказилган).
Эслатиб ўтамиз, 2013 йил 1 сентябрдан бошлаб шахсларнинг айрим тоифалари амбулаторияда даволанишда дори воситалари билан имтиёзли таъминланиш ҳуқуқига эга. Рўйхатини Соғлиқни сақлаш вазирлиги ва Молия вазирлиги биргаликда тасдиқлайдиган дори воситалари амбулатория-поликлиника муассасаларида ёхуд дорихоналар орқали имтиёзли бериш рецепти асосида берилади (батафсил қаранг).
Амалдаги рўйхатга қуйидаги номланишлар киритилди:
- Омнопон (инъекция учун эритма 2% 1 мл);
- Трифлуоперазин (таблетка 5 мг);
- Флуфеназин (инъекция учун эритма 25 мг/1 мл);
- Оланзапин (таблетка 5 мг).
Ҳужжат Қонун ҳужжатлари маълумотлари миллий базасида эълон қилинган ва 11.06.2019 йилдан кучга кирди.
Олег Заманов.
