Президентнинг 24.02.2026 йилдаги "Кўп квартирали уй-жойлар комплексларини комплекс қуриш механизмларини жорий этиш ва қурилишда шаффофликни таъминлаш чора-тадбирлари тўғрисида"ги ПҚ-73-сон қарори қабул қилинди.
Президентнинг 24.02.2026 йилдаги "Аҳолини уй-жой билан таъминлаш ишларини жадаллаштириш ва кўп квартирали уйлар қурилишини самарали ташкил этиш чора-тадбирлари тўғрисида"ги ПФ-29-сон Фармонига мувофиқ ҳужжатда комплекс қурилиш тамойиллари жорий этилишини таъминлаш, кўчмас мулк эгалари ҳуқуқларининг сўзсиз ҳимоя қилинишини кафолатлаш ва кўп квартирали уйларни қуришда қулай экологик муҳитни яратиш мақсади белгиланган.
Махсус ҳуқуқий режимнинг асосий принциплари
2026 йил 1 мартдан 2028 йил 1 мартгача бўлган даврда эксперимент тариқасида ер участкаларида (тасдиқланган рўйхат бўйича) комплекс қурилиш механизмлари (комплекс қурилиш лойиҳалари) асосида ККУ қурилишини назарда тутувчи "Тартибга солиш қумдони" махсус ҳуқуқий режими жорий этилади.
Комплекс қурилиш лойиҳаларини амалга ошириш тартиби тасдиқланди. Бунда, 24.02.2026 йилдаги ПФ-29-сон Фармонга мувофиқ ташкил этилган инвестиция компаниялари:
• тегишли ҳудудларда комплекс қурилиш лойиҳаларини амалга ошириш учун жавоб беради;
• мастер-режалар ишлаб чиқади;
• ҳудудни лотларга ажратади;
• тайёр бирламчи рухсат берувчи ҳужжатлар ва лойиҳа-смета ҳужжатларини расмийлаштиришни ташкил этади;
• лотларнинг бошланғич нархини белгилайди ва уларни электрон онлайн-аукцион савдоларига чиқаради;
• шартномалар ва баённомаларни имзолайди, улар бўйича олинган мажбуриятларнинг бажарилишини таъминлайди;
• ҳудудларни тайёрлаш, ташқи муҳандислик-коммуникация тармоқларини ётқизиш ва бошқалар учун масъул бўлган органлар фаолиятини мувофиқлаштиради.
Комплекс қурилиш лойиҳалари инвестиция компаниялари томонидан комплекс қурилиш ҳудудидаги кўчмас мулк объектлари мулкдорларининг камида 80 фоизи билан нотариал тартибда тасдиқланадиган келишув битимлари тузилгандан кейин амалга оширилиши керак.
Ҳудудларда яшил боғлар, экопарклар ва хиёбонлар барпо этиш инвестиция компаниялари фаолиятининг асосий йўналишларидан биридир. Бунда, ушбу мақсадларга тегишли ҳудудлардаги давлат мулки объектлари ва ер участкаларини сотишдан маҳаллий бюджетларга тушадиган маблағларнинг 10 фоизи, шунингдек, маҳаллий бюджетларнинг қўшимча манбаларининг камида 5 фоизи йўналтирилади.
Икки ой муддатда Тошкент шаҳрида яшил майдонларни кенгайтириш, ҳар бир туманда биттадан экопарк ташкил этиш бўйича таклифлар ишлаб чиқилади.
Инвестиция компанияларига комплекс қурилиш ҳудудларида жойлашган (рўйхат бўйича) қуйидагилар белгиланган тартибда берилди:
• давлат мулки бўлган бўш турган ер участкалари – қонун ҳужжатларида белгиланган тартибда аниқланадиган қиймат бўйича;
• давлат мулки бўлган бино ва иншоотлар – мустақил баҳоловчи ташкилотлар томонидан белгиланадиган қийматда.
Шунингдек, "Шаффоф қурилиш" АТда ўзбошимчалик билан қурилган кўп квартирали уйларнинг ягона очиқ реестрини ишга тушириш ва юритиш режалаштирилмоқда.
Қурилиш ва уй-жой коммунал хўжалиги вазирлиги тизимидан қуйидагилар ўтказилади:
- "Урбанизация ва шаҳарсозлик ҳужжатларини ишлаб чиқиш республика маркази" давлат муассасаси – Урбанизация ва уй-жой бозорини барқарор ривожлантириш миллий қўмитаси тизимига;
- "ТошкентбошпланЛИТИ" бош лойиҳа институти" давлат муассасаси – Тошкент шаҳар ҳокимлиги тузилмасига. Бунда, Самарқанд шаҳри ва Тошкент вилояти шаҳарлари (шаҳарчалар) бош режаларининг муаллифлик функциялари (барча тегишли ҳужжатлар ва материаллар билан бирга) "ЎзшаҳарсозликЛИТИ" бош лойиҳа институтига ўтказилсин.
Урбанизация ва шаҳарсозлик ҳужжатларини ишлаб чиқиш республика маркази шаҳарсозлик ҳужжатларини ишлаб чиқишнинг ягона буюртмачиси "Шаҳарсозлик давлат геоахборот тизими" идоралараро геоахборот дастурий комплексининг оператори ҳисобланади ҳамда Давлат шаҳарсозлик кадастрини юритади.
2027 йил 1 январдан бошлаб "Шаффоф қурилиш" АТда тақдим этиладиган ККУда қурилиш-монтаж ишларини бошлаш учун рухсатнома "Уй-жой" Ягона рақамли урбанизация платформасида идоралараро интеграция йўли билан автоматик тарзда шакллантирилади.
Қонун билан қуйидагилар яратилади:
• "Uy-joy" ААТ операторига айланадиган МЧЖ шаклидаги Урбанизация лабораторияси ("Urban Lab");
• Форумлар, семинарлар ва бошқа оммавий тадбирларни ўтказиш учун МЧЖ шаклидаги Урбанизация ҳамжамияти ("Urban Community").
Комплекс қурилиш лойиҳаларини амалга ошириш тартибини жорий этиш ва урбанизация жараёнларини такомиллаштириш бўйича "Йўл харитаси" тасдиқланди.
Ҳужжат Қонун ҳужжатлари маълумотлари миллий базасида эълон қилинган ва 27.02.2026 йилдан кучга кирди.
Лола Абдуазимова
