Вазирлар Маҳкамасининг 26.07.2023 йилдаги “Алкоголь ва тамаки маҳсулотларига янги намунадаги акциз маркаларини жорий этиш тўғрисида”ги 313-сон қарори қабул қилинди.
Алкоголь ва тамаки маҳсулотлари учун акцизнинг янги намунаси 2023 йил 1 августдан жорий этилмоқда.
Ишлаб чиқарувчи ва импорт қилувчилар эски намунадаги акциз маркаларидан 5 ой давомида фойдаланишлари мумкин.
Улгуржи ва чакана тармоқларида эски намунадаги акциз маркалар билан қадоқланганмаҳсулотлар ишлаб чиқарувчи ва импорт қилувчиларга тақдим этилган муддат тугагандан 12 ой ўтгач, маркаланмаган деб ҳисобланади.
2024 йил 1 ноябрдан Солиқ ва Божхона қўмиталари эски намунадаги акциз маркалари бор маҳсулотларни аниқлаб олиб қўйишни бошлайди.
Мувофиқлик сертификатларини ва хулосаларни янгилаганда алкоголь маҳсулотларини ишлаб чиқарувчилар унинг яроқлилик муддатини мустақил равишда 24 ойгача этиб белгилашлари мумукин. Бундан кўпроқ муддатни белгилаш учун Соғлиқни сақлаш вазирлиги билан келишиш шарт.
Янги намунадаги маркалар билан buxgalter.uzда танишиш мумкин.
Ҳужжат Қонун ҳужжатлари маълумотлари миллий базасида эълон қилинган ва 27.07.2023 йилдан кучга кирди.
Собир Нурбердиев.
