Банкда касса қаерда жойлашиши керак?

Белгиланишича, касса тармоғи банк ва унинг филиали биносидаги бошқа таркибий бўлинмалардан алоҳида ажратилган бўлиши ва бинонинг биринчи қаватида жойлашиши шарт. Касса ҳужжатларининг ўзаро алмашинувида қулайлик яратиш мақсадида бухгалтерия бўлими касса тармоғига яқин жойлаштирилиши лозим.

Ҳужжатда касса тармоғи таркибига кирадиган асосий хоналар кўрсатилган, шунингдек касса тармоғини қуриш, уни қўриқлаш, ёнғиндан хабар бериш ва хавфдан огоҳ этиш қурилмалари билан жиҳозлаш масалалари батафсил баён этилган.

Ўрнатилишича, касса тармоғи таркибида валюта айирбошлаш шохобчаси ва омонат (жамғарма) касса хоналарини жойлаштиришга рухсат этилмайди.

Бундан ташқари, касса тармоғидаги қимматликлар билан ишлаш жараёнини бегона шахслар томонидан кузатиш имконияти бўлмаслиги керак.

Ҳужжат давлат тилида қабул қилинган.

Қарор Ўзбекистон Республикаси қонун ҳужжатлари тўпламининг 2016 йил 1 августдаги 30-сонида расмий эълон қилинган кундан эътиборан уч ой ўтгач кучга киради.

Мазкур ҳужжатнинг матни билан, у билан боғланган бошқа қонун ҳужжатларига шарҳлар ва изоҳлар билан «Ўзбекистон Республикаси қонунчилиги» ахборот-қидирув тизимида танишиш мумкин.

«Ўзбекистон Республикаси қонунчилигида янги» шарҳини

эксперт-юристимиз Сардор ЖУМАШОВ

тайёрлади.

Мавзу бўйича материаллар: 

Банк ташкил этаётган норезидент маблағларнинг манбаларини тасдиқлаши керак

Банк хабарлари: кредитни онлайн расмийлаштириш, иш берувчи кафил сифатида ҳамда кечаю кундуз тўловни амалга ошириш

Банк хабарлари: сайтнинг янги версияси, фирибгарлар ва солиқ тўловлари