Бошланғич ҳужжатларни имзолашда лавозим ва фамилияни кўрсатинг

Қоғозда тузилаётган бошланғич ҳужжатлар учун мажбурий реквизитларга аниқлик киритилди. Эндиликда хўжалик операциясининг миқдорий ўлчови ўлчов бирликлари кўрсатилган ҳолда келтирилиши лозим.

Бошланғич ҳужжат илгари кўзда тутилганидек шунчаки масъул шахсларнинг шахсий имзосини эмас, балки лавозимларнинг номланиши, фамилияси ва инициаллари кўрсатилган ҳолда имзоси ёки хўжалик операциясини амалга оширган шахслар (шахс)ни идентификациялаш учун зарур бўлган бошқа реквизитларни сақлаши керак.

Ҳужжат билан муҳр бўлган тақдирдагина ҳужжатлар муҳр билан тасдиқланиши мустаҳкамланган.

Эслатиб ўтамиз, Президентнинг 2015 йил 15 майдаги ПФ–4725-сон Фармони билан Хусусий мулк, кичик бизнес ва хусусий тадбиркорликни ишончли ҳимоя қилишни таъминлаш, уларни жадал ривожлантириш йўлидаги тўсиқларни бартараф этиш бўйича чора-тадбирлар дастури тасдиқланган бўлиб, унда кичик тадбиркорлик субъектларида думалоқ муҳрлар бекор қилиниши кўзда тутилган.

Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва изоҳлар билан  яқин орада «Ўзбекистон Республикаси қонунчилиги» ахборот-қидирув тизимида танишиш мумкин.

Елена ЕРМОХИНА,

эксперт-юристимиз