Давлат дастурини амалга ошириш учун республика комиссияси тузилди

Ҳужжат билан “Халқ билан мулоқот ва инсон манфаатлари йили” Давлат дастурини ишлаб чиқиш ва амалга ошириш бўйича Республика комиссияси ташкил этилди. Унга Бош вазир А.Н. Арипов бошчилик қилади.

Шунингдек, комиссия таркибига Президентнинг давлат маслаҳатчилари, вазирлар, суд ва ҳуқуқни муҳофаза қилиш органлари, жамоат ташкилотлари ва йирик саноат корхоналари раҳбарлари киритилди.

Бундан ташқари, лавозимига кўра унга Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари киради.

Мазкур ҳужжатнинг тўлиқ матни ва у билан боғланган бошқа қонун ҳужжатларига шарҳлар ва ҳаволалар билан яқин кунларда «Ўзбекистон Республикаси Қонунчилиги» ахборот-қидирув тизимида танишиш мумкин.

Олег ЗАМАНОВ,

экспертимиз.