ЭИЗ ишлаб чиқаришни кенгайтиради

Уларни амалга ошириш товарларни импорт қилишни қисқартириш, импорт ўрнини қоплайдиган ва экспортга мўлжалланган маҳсулотлар ишлаб чиқариш бўйича янги ишлаб чиқаришларни барпо этиш, шу жумладан тижорат банклари кредитларини жалб этган ҳолда, ҳудудлар, тармоқ ташкилотлари ва хўжалик бирлашмалари минерал-хом ашё салоҳиятидан энг юқори даражада фойдаланиш, шунингдек ЭИЗ ҳудудида тадбиркорлик фаолияти учун қулай шарт-шароитлар яратишга қаратилган.

Рўйхатга киритилган лойиҳаларни ўз вақтида тайёрлаш ва амалга оширишнинг бориши юзасидан тизимли мониторинг Маъмурий кенгашга юклатилган (Президентнинг 12.01.2017 йилдаги ПФ-4931-сон Фармонига асосан ташкил этилган). Шунингдек, унга рўйхатга ўзгартишлар киритишга рухсат берилган.

Банкларга ўз маблағлари ҳамда Ўзбекистон Республикасининг давлат кафолати берилмаган ҳолда жалб этилган хорижий кредит линиялари ҳисобига эркин иқтисодий зоналарда лойиҳаларни, шу жумладан тасдиқланган рўйхатга киритилган лойиҳаларни амалга ошираётган тадбиркорлик субъектларига асбоб-ускуна, хом ашё, материаллар ва бутловчи буюмлар харид қилиш учун кредитлар тақдим этиш тавсия қилинди.

Бундан ташқари, тадбиркорлик субъектларига ўз вақтида ва сифатли хизмат кўрсатиш ва лойиҳаларни молиялаштириш учун саккизта тижорат банки ЭИЗ ҳудудида ўз бўлинмаларини очади.

Мазкур ҳужжатнинг тўлиқ матни ва у билан боғланган бошқа қонун ҳужжатларига шарҳлар ва ҳаволалар билан яқин кунларда «Ўзбекистон Республикаси Қонунчилиги» ахборот-қидирув тизимида танишиш мумкин.

Олег ЗАМАНОВ, 

 экспертимиз.