Факторинг шартномасини тузиш учун банкка ҳисоботлар керак

Эслатиб ўтамиз, факторинг - хўжалик юритувчи субъектлар - етказиб берувчиларни (матн давомида - мижоз) молиялашга доир банк хизматларининг бир тури бўлиб, бунда улар банк - молиявий агентга етказиб берилган товарлар, бажарилган ишлар ёки кўрсатилган хизматлар учун тўловчилар (матн давомида - тўловчи) томонидан акцептланган, лекин тўлов талабномалари бўйича ҳақи тўланмаган тўловни, регресс ҳуқуқисиз, олиш ҳуқуқини берадилар.

Энди мижоз шартнома тузиш учун бошқа ҳужжатлар қаторида қуйидагиларни ҳам банкка тақдим қилиши керак бўлади: тўловчининг охирги ҳисобот даври бўйича тегишли давлат солиқ инспекциясига топширилган бухгалтерия баланси (1-сон шакл), шунингдек 90 кундан ортиқ муддатдаги қарзлар бўйича таққослаш далолатномалари, молиявий натижалар ҳақидаги ҳисобот (2-сон шакл) — янги ташкил қилинган юридик шахслар, якка тартибдаги тадбиркорлар, деҳқон хўжаликлари бундан мустасно.

Қарор Ўзбекистон Республикаси қонун ҳужжатлари тўпламининг 50-сонида расман эълон қилинган кун, яъни 19.12.2016 йилдан кучга киради.

Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.

Олег ЗАМАНОВ,

экспертимиз.

Мавзуга оид материал:

Дебиторлик қарзи: ундириш мумкин эмас, кечиб юборилсин!