Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Онлайн-НКМ ва виртуал касса солиқ органларида қандай тарзда рўйхатдан чиқариладиНима учун январь ойи ҳисоботида айланмадан олинадиган солиқ ставкаси нотўғри қўлланиладиҲуқуқдан ўзганинг фойдасига воз кечиш шартномаси бўйича валюта маблағларини ўтказиш мумкинмиҲуқуқдан ўзганинг фойдасига воз кечиш шартномаси бўйича валюта маблағларини ўтказиш мумкинми

“Ҳаётий давр шартномаси” қандай тузилади

13.03.2024

Вазирлар Маҳкамасининг 06.03.2024 йилдаги «Ҳаётий давр шартномаси» асосида ишлаш тартиби тўғрисидаги низомни тасдиқлаш ҳақида”ги 116-сон қарори қабул қилинди.

 

“Ҳаётий давр шартномаси” асосида ишлаш тартиби тўғрисидаги низом тасдиқланди. Низом мазкур шартномалар асосида ишлаш тартиби ва йўналишлари, шартномаларни тузиш ва уларнинг реестрини юритиш тартибини белгилайди.

 

Маълумот учун:  пойтахтда айрим объектлар (тўлиқ рўйхат – шу ерда) негизида “Тошкент инвест компанияси” АЖ (кейинги ўринларда – Компания ) томонидан қиймати 1 млн АҚШ долларигача бўлган ДХШ лойиҳаларини амалга оширишнинг соддалаштирилган тартиби жорий этилган. Компанияга айрим йўналишлар бўйича (рўйхат – бу ерда) объект (маҳсулот)ни барпо этиш (ишлаб чиқиш)дан бошлаб фойдаланишга топшириш ва келгусида эксплуатация қилиш (қўллаб-қувватлаш)гача бўлган барча жараёнлардаги ишларни давлат харидлари доирасида “Ҳаётий давр шартномаси” асосида битта тадбиркор билан ҳамкорликда амалга оширишга рухсат этилган.



“Ҳаётий давр шартномаси” қуйидаги йўналишларда тузилади:

  • автомобиль йўллари, шу жумладан, йўлбўйи инфратузилмаси объектларини лойиҳалаштириш, қуриш, реконструкция қилиш, таъмирлаш ва уларни сақлаш;
  • коммунал хўжалиги соҳасидаги объектларни лойиҳалаштириш, қуриш, реконструкция қилиш, таъмирлаш ва уларни сақлаш;
  • ижтимоий соҳа объектларини лойиҳалаштириш, қуриш, реконструкция қилиш, таъмирлаш, жиҳозлаш ва уларни сақлаш;
  • дастурий таъминотларни лойиҳалаштириш, ишлаб чиқиш, ишга тушириш ва келгусида қўллаб-қувватлаш.

 

Тегишли давлат органи (ташаббускор) Компанияга “Ҳаётий давр шартномаси” аосида лойиҳани амалга ошириш ҳақида буюртмани тақдим этади.

 

Компания томонидан лойиҳани тасдиқлаш ҳақида қарор қабул қилиниб, амалга ошириладиган лойиҳаларнинг манзилли рўйхати шакллантирилади ва “Давлат харидлари тўғрисида”ги Қонунга мувофиқ ижрочилар танланиб шартномалар имзоланиди.

 

Шартномалар рўйхати махсус порталда юритилади.

 

Ҳужжат Қонун ҳужжатлари маълумотлари миллий базасида эълон қилинган ва 07.03.2024 йилдан кучга кирди.
 
 

Собир Нурбердиев

 


kadrovik.uz

Валюталар курси

2024-07-22
  • USD:12610.04 (+0.00) сум
  • EUR:13720.98 (+0.00) сум
  • RUB:143.28 (+0.00) сум

Янги сонларда ўқинг