Вазирлар Маҳкамасининг 2.03.2017 йилдаги 116-сон “Миллий ҳайдовчилик гувоҳномасининг ҳамда автомототранспорт воситаси рўйхатдан ўтказилганлиги тўғрисидаги гувоҳноманинг янги намуналарини жорий этиш чора-тадбирлари тўғрисида”ги қарори эълон қилинди.
- www.norma.uz
- Қонунчиликдаги янгиликлар
- Ҳайдовчилик гувоҳномалари 2020 йил охиригача алмаштирилиши керак
Ҳайдовчилик гувоҳномалари 2020 йил охиригача алмаштирилиши керак
06.03.2017
Ҳайдовчилик ҳужжатларининг янги шакллари тасдиқланди
Қарор билан миллий ҳайдовчилик гувоҳномаси, автомототранспорт воситаси рўйхатдан ўтказилганлиги тўғрисидаги гувоҳнома ва автомототранспорт воситаси техник кўрикдан ўтганлиги тўғрисидаги талоннинг янги шакллари ва тавсифи тасдиқланди.
Миллий ҳайдовчилик гувоҳномаси пушти рангдаги пластик шаклда, 54 х 86 мм ўлчамда бўлади ҳамда бир нечта ҳимоя даражасига эга. Шунингдек, гувоҳнома 2 ҳарфли ва номери 6 рақамли серияли рақамни сақлайди. Бунда ҳужжатда лотин ёзувидаги давлат тилидан фойдаланилади.
Автомототранспорт воситаси рўйхатдан ўтказилганлиги тўғрисидаги гувоҳнома - худди шу шакл ва ўлчамдаги кўк рангдаги ҳужжат бошқалар қаторида авто тўғрисида тўлиқ маълумотларни (русуми, модели, тури, кузов/шасси рақами, тўла вазни, юксиз вазни, двигателнинг тоифаси ва қуввати, ёнилғи тури, ранги, ҳайдовчининг ўриндиғи билан биргаликда ўтириладиган ўринлар сони, тик туриладиган ўринлар сони, алоҳида белгилар) сақлайди.
Техник кўрикдан ўтганлиги тўғрисидаги талон тўртбурчак шаклидаги, ўлчамлари 54 х 86 мм бўлган зичлиги бир кв.метрга 140+/-5гр 100% пахтадан олинган қоғоздан тайёрланади. Қоғоз қатлами орасига жойлашган, ультрабинафша нурда кўринадиган кўк ва оч яшил рангли тола ҳамда нурда яхши ажралиб турадиган пахта чаноғи кўринишидаги умумий сув белгиси мавжуд. Талонда ўтказилган техник кўрик натижаси, жорий ва навбатдаги техник кўрикдан ўтиш санаси кўрсатилади.
Жорий йилнинг 1 октябридан янги намунадаги ҳайдовчилик гувоҳномалари ва автомототранспорт воситаси рўйхатдан ўтказилганлиги тўғрисидаги гувоҳномаларни бериш бошланади. Миллий ҳайдовчилик гувоҳномаси берилган кундан бошлаб 10 йил муддатга берилади.
Алмаштириш қандай тартибда амалга оширилади?
Амалдаги миллий ҳайдовчилик гувоҳномаларини янги намунадагиларига икки босқичда алмаштирилади:
- 1.10.2017 й.дан 31.12.2018 й.га қадар – эски намунадаги миллий ҳайдовчилик гувоҳномалари учун, уларнинг берилган санасидан қатъи назар – улар эгасининг ёзма аризасига кўра ихтиёрий равишда;
- 1.01.2019 й.дан 31.12.2020 й.гача – эски намунадаги барча миллий ҳайдовчилик гувоҳномалари учун, уларнинг берилган санасидан қатъи назар – мажбурий тартибда.
Ўз навбатида, автомототранспорт воситаси рўйхатдан ўтказилганлиги тўғрисидаги гувоҳномани янги намунадаги гувоҳномага алмаштириш 2017-2020 йиллар мобайнида босқичма-босқич – мажбурий техник кўрикдан ўтказишда амалга оширилади.
Бу муҳим! Эски намунадаги миллий ҳайдовчилик гувоҳномалари ва автомототранспорт воситаси рўйхатдан ўтказилганлиги тўғрисидаги гувоҳномалар 2021 йил 1 январдан бошлаб ҳақиқий эмас деб ҳисобланади.
Мазкур ҳужжатнинг тўлиқ матни ва у билан боғланган бошқа қонун ҳужжатларига шарҳлар ва ҳаволалар билан яқин кунларда «Ўзбекистон Республикаси Қонунчилиги» ахборот-қидирув тизимида танишиш мумкин.
Олег ЗАМАНОВ,
экспертимиз.
Мавзуга доир материаллар:
- Тренерга рухсатнома – Давлат хизматлари марказида ёки ЯИДХП орқали
- Селекция ютуғи учун патент 10 кунда расмийлаштирилади
- Улгуржи савдога нисбатан лицензия талаблари юмшатилади
- Божхона юк декларациясини тўлдириш тартиби ўзгарди
- ФҲДЁ учун маълумотномаларни тўплаймиз
- Геология қидирув ишларини молиялаштирдингизми – лицензия оммавий савдоларсиз берилади
Янги сонларда ўқинг
- Қишлоқ хўжалиги маҳсулотларини экспорт қилиш бўйича республика комиссияси тузилди
- Бош бухгалтернинг касаллиги ва солиқ текширувлари
- Якка тартибдаги тадбиркор солиқ солиш тизимини қандай ўзгартириши мумкин
- Сув ресурсларидан фойдаланганлик учун солиқнинг бўнак тўловлари
- «Камбағалликни қисқартиришда тадбиркорлик субъектлари билан ўзаро манфаатли ҳамкорлик ўрнатишга қаратилган чора-тадбирлар белгиланганлиги муносабати билан Ўзбекистон Республикасининг Солиқ кодексига қўшимчалар киритиш тўғрисида»
- Ўзига бўлган ишонч иш муносабатларига қандай таъсир кўрсатади
- «Ўзбекистон Республикасининг айрим қонун ҳужжатларига фуқароларнинг ижтимоий ҳимоясини янада кучайтиришга қаратилган ўзгартириш ва қўшимчалар киритиш тўғрисида»
- Дам олиш кунида ишга қабул қилишни расмийлаштириш мумкинми
- «Ўзбекистон Республикаси Президентининг айрим қарорларига ўзгартириш ва қўшимчалар киритиш тўғрисида»
- «Тошкент шаҳрида «Тошкент инвест компанияси» акциядорлик жамияти ва тадбиркорлик субъектлари ўртасида ўзаро манфаатли ҳамкорлик асосида инвестиция лойиҳаларини амалга оширишни такомиллаштириш чора-тадбирлари тўғрисида»