Нақд пул тушумидан ташқари, солиқ органлари барча товарларни (ишларни, хизматларни) реализация қилиш ҳажмларини ва ҳатто ишлаб чиқариш ҳажмларини аниқлайдилар. Назорат қилишнинг энг кўп муддати 3 иш кунидан 7 иш кунига қадар узайтирилди. Булар 24.12.2018 йилдаги ЎРҚ-508-сон Қонунда назарда тутилган.
Эслатиб ўтамиз, 2018 йил 1 октябрдан давлат солиқ хизмати органларига ўтказилган хронометраж натижаларига кўра охирги ҳисобот даври учун товар (иш, хизмат)лар реализациясидан камайтириб кўрсатилган тушумни ва ходимлар сонини қайта ҳисоб-китоб қилган ҳолда солиқларни ҳисоблашни амалга ошириш ҳақида талабнома юбориш ҳуқуқи берилган. Камайтириб кўрсатиш такроран аниқланганда, ушбу ҳаракатлар солиқ тўлашдан бўйин товлаш сифатида малакаланади (26.06.2018 йилдаги ПҚ–3802-сон қарорнинг 4-бандига қаранг).
Илгари хронометраж фақатгина ҳисобот тўғрилигини таҳлил этиш ва маълумотлар базасини юритиш учун қўшимча дастак ҳисобланган. Унинг натижалари эса солиқ тўловчини жавобгарликка тортиш учун асос бўла олмаган.
Қонун «Халқ сўзи» газетасида эълон қилинган ва 1.01.2019 йилдан кучга киради.
Батафсил - buxgalter.uz сайтида.