Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Малака сертификати муддати узайтирилган аудиторлар рўйхати эълон қилинди - buxgalter.uz да ўқингҲисобварақ-фактуралардаги бош бухгалтер имзоси қаерга «йўқолди» - buxgalter.uz да ўқингАутсорсер билан ўзаро муносабатларда муаммолар бўлмасин - buxgalter.uz да ўқингМеҳнат дафтарчаси йўқ – стаж ҳам бўлмайдими? - buxgalter.uz да ўқинг

Ҳудудий футбол ассоциациялари ташкил этилади

26.05.2020

Рус тилида ўқиш

Вазирлар Маҳкамаси томонидан “Ҳудудий футбол ассоциациялари фаолиятини янада қўллаб-қувватлаш чора-тадбирлари тўғрисида”ги 311-сон қарор қабул қилинди. Ҳужжат Президентнинг “Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида” 2019 йил 4 декабрдаги ПФ-5887-сон Фармонида қўйилган вазифаларни амалга ошириш учун қабул қилинган.

 

Қорақалпогистон Республикаси, вилоятлар ва Тошкент шаҳар ҳудудий футбол ассоциациялари олдига қуйидаги асосий вазифалар қўйилди:

  • юқори иқтидорга эга булган ёш футболчиларни танлаш ва саралаб олиш тизимини тубдан такомиллаштириш;
  • ушбу соҳасига хусусий инвестицияларни кенг жалб этиш;
  • футбол соҳасининг бозор механизмлари асосида бошқарилишини таъминлаш;
  • футбол клубларини хусусий секторга ўтказишни ташкил этиш ҳамда улар орасида соғлом спорт рақобати муҳитини яратиш;
  • футбол мусобақалари томошабоплигини ошириш ҳамда футболни ривожлантиришнинг янги тизимини самарали йўлга қўйиш орқали ўзбек футболи брендини яратиш.

 

Қорақалпогистон Республикаси Вазирлар Кенгаши, вилоятлар ва Тошкент шаҳар ҳокимликларига қуйидагилар топширилди:

  • ҳудудий футбол ассоциациялари учун  бино ва иншоотлар тақдим этиш ҳамда ҳомийлар бириктириш;
  • моддий-техник базасини мустаҳкамлашга кўмаклашиш ҳамда  футбол маҳорати мактаблари, шунингдек, футболга ихтисослаштирилган спорт мактабларини ривожлантиришни доимий назорат қилиш;
  • “Спорт мактаблари футбол лигаси” ва “Профессионал футбол мактаблари лигаси” мусобақаларини молиялаштириш.

 

Футболни ривожлантириш харажатлари маҳаллий бюджетларнинг қўшимча даромадлари ҳисобидан молиялаштирилади.

 

Ҳужжат Қонун ҳужжатлари маълумотлари миллий базасида эълон қилинган ва 23.05.2020 йилдан кучга кирди.

 

Лола Абдуазимова.