Президентнинг 23.10.2017 йилдаги «Ўзбекистон Республикаси Ички ишлар идоралари ходимлари куни муносабати билан бир гуруҳ ходимларни мукофотлаш тўғрисида»ги фармони имзоланди. Унинг матни ЎзАда жойлаштирилган.
Маълумот учун: Ички ишлар органлари ходимлари куни мамлакатимизда 25 октябрь куни нишонланади.
Мамлакатимизда жамоат хавфсизлиги, тинчлик ва барқарорликни таъминлаш борасидаги кўп йиллик фидокорона меҳнати, хизмат бурчини бажариш ва миллий манфаатларимизни ҳимоя қилишда мардлик ва жасорат кўрсатгани ҳамда ёш авлодни она Ватанга садоқат руҳида тарбиялашга қўшган муносиб ҳиссаси учун ИИВ, ички ишлар бошқармаларининг алоҳида ходимлари II даражали «Шон-шараф», «Дўстлик», «Мардлик» орденлари, «Жасорат», «Содиқ хизматлари учун» ҳамда «Шуҳрат» меддаллари билан мукофотланди.
Эслатиб ўтамиз, «Давлат мукофотлари тўғрисида»ги Қонунга мувофиқ, давлат мукофотларига лойиқ топилган шахслар имтиёзлардан фойдаланишади ва бир маротабалик пуллик мукофот ёки тенг қийматли эсдалик совғаси билан тақдирланади.
Ленара Хикматова.
