Ички ишлар вазирининг буйруғи (1.03.2018 йилда 2977-сон билан рўйхатдан ўтказилган) билан Ички ишлар органлари ходимларига пенсия ва нафақа тайинлаш ҳамда тўлаш тартиби тўғрисидаги йўриқнома тасдиқланди.
Ҳужжат билан қуйидаги тартиб белгиланмоқда:
- нафақалар ва пенсияларни расмийлаштириш, тайинлаш ва тўлаш;
- пенсиялар тўлашни тўхтатиш ва тўхтатиб туриш;
- пенсиялардан чегирмалар қилиш ва б.
Ички ишлар органлари ходимларига ва уларнинг оила аъзоларига пенсия ва нафақаларнинг қуйидаги турлари тўланади:
|
Пенсия турлари |
Нафақа турлари (бир марта тайинланади) |
|
Хизмат муддатини ўтаганлиги бўйича пенсия (уни олиш ҳуқуқи мавжуд бўлганда) |
Хизматдан пенсияга чиқиш муносабати билан бўшатилаётган ИИО ходимига тўланадиган нафақа |
|
Ногиронлик пенсияси |
ИИО пенсионери вафот этганлиги муносабати билан дафн этиш маросими учун унинг оила аъзоларига 2 ойлик пенсия миқдорида тайинланадиган нафақа |
|
Боқувчисини йўқотганлик пенсияси |
Юқорида қайд этилган тўловларни расмийлаштириш учун зарур ҳужжатларнинг батафсил рўйхатлари Йўриқномада кўрсатилган.
Пенсия ва нафақалар доимий яшаш жойи бўйича ИИО молиявий таъминот хизматларининг пенсия таъминоти бўлимлари томонидан тўланади.
Қайд этилишича, ИИО пенсионери аризасига асосан ва ИИО раҳбарларининг рухсати билан қуйидаги ҳолларда 1 ойдан кўп бўлмаган муддат учун пенсияни муддатидан олдин олишга ҳақли бўлади:
- санаторий-курорт муассасаларига даволаниш учун бормоқчи бўлганида (йил давомида 1 маротаба);
- пенсионернинг мулкига зарар етказувчи фавқулодда ҳолатлар содир бўлганда;
- пенсионернинг оила аъзолари (яқин қариндошлари) вафот этганда.
Шунингдек Йўриқномада ИИО пенсионерининг пенсиясидан унинг аризасига асосан ихтиёрий равишда алимент ундирилиши тартиби белгиланган.
Ҳужжат Қонун ҳужжатлари маълумотлари миллий базасида расман эълон қилинган ва 1.03.2018 йилдан кучга кирди.
Мазкур ҳужжатнинг тўлиқ матни, шарҳлар ва у билан боғлиқ бошқа қонун ҳужжатларига ҳаволалар билан «Ўзбекистон Республикаси қонун ҳужжатлари» ахборот-қидирув тизимида танишиш мумкин.
Ленара Хикматова.
