Вазирлар Маҳкамасининг 3.04.2018 йилдаги 261-сон қарори билан Ўзбекистон Республикаси олий таълим муассасаларининг бакалавриатига ўқишга қабул қилиш учун кириш тест синовларини ўтказиш тартиби тўғрисидаги низом тасдиқланди.
Эслатиб ўтамиз, Президентнинг 16.11.2017 йилдаги ПҚ–3389-сон қарорига мувофиқ, 2018/2019 ўқув йилидан бошлаб кириш имтиҳонларини топшириш тартиби ўзгаради. Асосий ташкилий янгиликлар ҳақида бу ерда ўқинг.
Ҳужжат билан тест синовларини ўтказишнинг айрим қоидаларига ўзгартириш киритилди. Уларнинг асосийларини кўриб чиқамиз.
Биринчидан, синовлар 15 кун давомида (1 августдан 15 августгача) икки сменада ўтказилади: биринчиси – соат 8:00 да, иккинчиси соат 15:00 да бошланади. Тест ўтказиладиган сана ва вақт ҳар бир абитуриентга бериладиган рухсатномада (ДТМ) кўрсатилади.
Иккинчидан, абитуриент танлаган таълим йўналишига қараб бир, икки ёки учта (илгари – икки ёки учта) фан мажмуаси бўйича тест синови ўтказилади. Тест топшириқлари сони ўзгармади – ҳар бир фан бўйича 30 тадан. Топшириқларни бажариш вақти – ҳар бир фан бўйича бир соатдан.
Учинчидан, 17 та таълим йўналиши бўйича тест синовлари ўтказилмай олий таълим муассасаларига қабул амалга оширилади (қуйидаги жадвалга қаранг). Улар ўрнига касбий (ижодий) имтиҳон ўтказилади.
|
Т/р |
Билим ва таълим соҳалари, таълим йўналишлари |
|
|
Номи |
Код |
|
|
ГУМАНИТАР СОҲА Педагогика |
100 000 110 000 |
|
|
1. |
Тасвирий санъат ва муҳандислик графикаси |
5110800 |
|
2. |
Мусиқа таълими |
5111100 |
|
3. |
Жисмоний маданият |
5112000 |
|
Санъат |
150 000 |
|
|
4. |
Бастакорлик санъати |
5150100 |
|
5. |
Санъатшунослик (турлари бўйича) |
5150200 |
|
6. |
Актёрлик санъати (турлари бўйича) |
5150300 |
|
7. |
Режиссёрлик (турлари бўйича) |
5150400 |
|
8. |
Дирижёрлик (турлари бўйича) |
5150500 |
|
9. |
Вокал санъати (турлари бўйича) |
5150600 |
|
10. |
Чолғу ижрочилиги (турлари бўйича) |
5150700 |
|
11. |
Рангтасвир (турлари бўйича) |
5150800 |
|
12. |
Дизайн (турлари бўйича) |
5150900 |
|
13. |
Ҳайкалтарошлик (турлари бўйича) |
5151100 |
|
14. |
Амалий санъат (турлари бўйича) |
5151200 |
|
15. |
Хореография (турлари бўйича) |
5151300 |
|
16. |
Халқ ижодиёти (турлари бўйича) |
5151600 |
|
ХИЗМАТЛАР СОҲАСИ Хизмат кўрсатиш соҳаси |
600 000 610 000 |
|
|
17. |
Спорт фаолияти (фаолият турлари бўйича) |
5610500 |
Ижодий имтиҳон топшириладиган йўналишлар рўйхати қабул комиссиялари томонидан махсус эълонлар тахтасига жойлаштирилади. Касбий ижодий имтиҳонлар белгиланган муддатдан аввал ўтказилади. 22 июлга қадар уларнинг натижалари махсус базага киритилиши ва Давлат тест марказига тақдим этилиши шарт.
Тўртинчидан, синов ўтказиладиган хоналарда ҳар 30 нафар абитуриентга мўлжалланган видеокузатув тизимлари ўрнатилади. Бу, шу жумладан ота-оналарнинг жараённи онлайн режимида кузатишларига имкон яратади.
Эътибор беринг! Ҳужжат ҳарбий таълим муассасаларига ва Ўзбекистонда фаолият олиб бораётган хорижий олий таълим муассасаларига (филиалларига) ўқишга қабул қилиш бўйича тест синовларини ўтказишга нисбатан татбиқ этилмайди.
Ҳужжат Қонун ҳужжатлари маълумотлари миллий базасида расман эълон қилинган ва 9.04.2018 йилдан кучга кирди.
Мазкур ҳужжатнинг тўлиқ матни, шарҳлар ва у билан боғлиқ бошқа қонун ҳужжатларига ҳаволалар билан «Ўзбекистон Республикаси қонун ҳужжатлари» ахборот-қидирув тизимида танишиш мумкин.
Ленара Хикматова.
