Марказий банк бошқарувининг “Ўзбекистон Республикасида валюта операцияларини амалга ошириш Қоидаларига ўзгартириш ва қўшимча киритиш ҳақида”ги Қарори қабул қилинди (08.02.2023 йилда рўйхатдан ўтган, рўйхат рақами 3281-2).
Қоидаларга киритилаётган қўшимчаларга кўра:
- крипто-биржа иштирокчилари бўлган норезидент юридик шахсларнинг чет эл валютасидаги ҳисобварақларига уларнинг хориждаги ҳисобварақларидан ўтказилган (Марказий банк томонидан сўмга нисбатан расмий курслари белгиланадиган чет эл валюталарида) маблағлар ҳамда крипто-биржада крипто-активларни сотишдан тушган маблағлар киритилиши мумкин;
- ушбу маблағлар крипто-активларни сотиб олиш учун крипто-биржага ҳамда мазкур норезидент юридик шахсларнинг хориждаги (маблағлар келиб тушган давлатдаги) ўз ҳисобварақларига ўтказилиши мумкин;
- мазкур маблағлардан бошқа мақсадларда фойдаланиш мумкин эмас.
Ҳужжат Қонунчилик маълумотлари миллий базасида эълон қилинган ва 09.02.2023 йилдан кучга кирди.
Собир Нурбердиев.
