Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
ЭҲАда “директор шарпаси” муаммоси қандай ҳал қилинади - buxgalter.uz да ўқингАгар комитент норезидент бўлса, ЭҲФ қандай расмийлаштирилади - buxgalter.uz да ўқингҚандай солиқ қарзи ундирилиши умидсиз деб эътироф этилади - buxgalter.uz да ўқингЮқори малакали бош директор учун имтиёз - buxgalter.uz да ўқинг

МДҲда музей экспонатлари учун суднинг иммунитети назарда тутилган

16.10.2019

Рус тилида ўқиш

 

Ўзбекистон МДҲ иштирокчи-давлатларининг музей иши соҳасида ҳамкорлиги тўғрисидаги битимга қўшилди (9.10.2019 йилдаги ПҚ-4485-сон қарорга қаранг).

 

Битим 2019 йил 31 май куни Ашхобод шаҳрида иштирокчи-давлатларнинг ҳукумат раҳбарлари кенгаши йиғилишида имзоланган.

 

Шартномани имзолаган тарафлар МДҲ доирасида музей-кўргазма алмашинувини ривожлантириш учун қулай шарт-шароитларни яратишга келишиб олишди. Бунинг учун, хусусан, шартнома тарафларига айланган мамлакатлар тарихи, маданияти ва санъатига бағишланган қўшма давлатлараро кўргазма лойиҳалари амалга оширилади. Жорий йилда интернет имкониятларидан фойдаланилиши мумкин.  

 

Археология, реставрация, экспертиза ва атрибуция, табиий меросни ўрганиш соҳасидаги музейларнинг қўшма илмий дастурлари устида ишлаш режалаштирилмоқда. Музейлар ўртасида илмий ахборотлар алмашинуви, илмий, илмий-амалий анжуманлар ва семинарлар, давра суҳбатлари ўтказиш йўлга қўйилади.

 

Муҳим жиҳати – шуки, битимда МДҲ кўламида музей-кўргазма алмашинуви доирасида музей буюмларининг бут сақланиши ва ўз вақтида қайтарилишини кафолатлаш, шунингдек улар учун суднинг иммунитети назарда тутилади. Уларга нисбатан даъвони таъминлаш чоралари (ФПКнинг 106-моддаси; ИПКнинг 95-моддасига қаранг) ва суд қарорларининг ижросини таъминлаш чоралари («Суд ҳужжатлари ва бошқа органлар ҳужжатларини ижро этиш тўғрисида»ги Қонуннинг 21-моддасига қаранг) қўлланилмайди.

 

Ўзбекистон тарафидан Маданият вазирлиги халқаро шартномани амалга ошириш юзасидан масъул ваколатли орган этиб белгиланди. Мамлакат ТИВ Ўзбекистон томонидан давлат ички тартиб-таомиллари бажарилганлиги ҳамда ваколатли орган ҳақидаги тегишли билдиришномани депозитарийга юборади.

 

Ҳужжат Қонун ҳужжатлари маълумотлари миллий базасида эълон қилинган ва 10.10.2019 йилдан кучга кирди.

 

Олег Заманов.