Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Малака сертификати муддати узайтирилган аудиторлар рўйхати эълон қилинди - buxgalter.uz да ўқингҲисобварақ-фактуралардаги бош бухгалтер имзоси қаерга «йўқолди» - buxgalter.uz да ўқингАутсорсер билан ўзаро муносабатларда муаммолар бўлмасин - buxgalter.uz да ўқингМеҳнат дафтарчаси йўқ – стаж ҳам бўлмайдими? - buxgalter.uz да ўқинг

Меҳнат стажини электрон ҳисобга олишга икки босқичда ўтилади

11.07.2017

 

Вазирлар Маҳкамасининг 4.07.2017 йилдаги 462-сон “Жисмоний шахслар меҳнат стажини электрон ҳисобга олишни янада такомиллаштириш чора-тадбирлари тўғрисида”ги қарори эълон қилинди.

 

Эслатиб ўтамиз, 1.01.2019 йилдан биринчи марта ишга жойлаштирилганларга қоғоз шаклида меҳнат дафтарчаларини бериш тўхтатилиб, республикада “Электрон меҳнат дафтари”  тизими жорий қилинмоқда.

 

Бироқ, меҳнат дафтарчасини электрон ҳисобга олиш босқичма-босқич амалга оширилади:

 

  • 1.01.2018 йилдан – якка тартибдаги тадбиркорлар, деҳқон хўжаликлари аъзолари, йирик қорамол ва бошқа қишлоқ хўжалиги маҳсулотларини етиштираётган шахслар, шунингдек юридик шахс бўлмаган бошқа тадбиркорлик субъектлари;
  • 1.01.2019 йилдан – қолган ташкилотлар.

 

Иш берувчилар солиқ органларига ҳар бир жисмоний шахс кесимида меҳнат стажи (шу жумладан лавозими ҳолати, вақтинча меҳнатга лаёқатсизлиги даврлари, таътилда бўлганлиги ва узрли сабабларга кўра ишда бўлмаган бошқа даврлар) тўғрисида маълумотларни  тақдим қилади.

 

Ушбу ахборот ЯИТ ва Молия вазирлиги ҳузуридаги бюджетдан ташқари Пенсия жамғармасига фуқароларнинг суғурта бадаллари бўйича солиқ ҳисоботи таркибига киритилади. Маълумотлар сақланишини таъминлаш учун меҳнат стажи тўғрисида архив маълумотларини резерв сақлаш механизми ишлаб чиқилади.

 

 2019 йилдан бошлаб фуқаролар меҳнат фаолияти тўғрисидаги маълумотларни ЯИДХП орқали интерактив давлат хизматлари воситасида олишлари мумкин бўлади.

 

Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин. 

 

Олег Заманов,

экспертимиз.