Вазирлар Маҳкамаси “Ўзбекистон Республикаси Миллий гвардияси Қўриқлаш бош бошқармасининг ҳарбийлаштирилган соқчилик ва қоровуллик бўлинмалари тўғрисида”ги низомни тасдиқлади (2021 йил 16 декабрдаги 757-сон ВМҚ).
Низом Президентнинг "Ўзбекистон Республикаси Миллий Гвардияси Қўриқлаш бош бошқармасининг фаолиятини сифат жиҳатидан янги босқичга кўтариш чора-тадбирлари тўғрисида" 2021 йил 2 февралдаги ПҚ-4997-сон Қарорига мувофиқ қабул қилинган.
Низом қуйидагиларни белгилайди:
- Ўзбекистон Республикаси Миллий гвардияси Қўриқлаш бош бошқармасининг ҳарбийлаштирилган соқчилик ва қоровуллик бўлинмаларини тузиш ва уларнинг фаолиятини ташкил этиш тартиби (кейинги ўринларда - бўлинмалар);
- бўлинмаларга ишга қабул қилиш, уларнинг ишчи ва хизматчиларини тайёрлаш ва қайта тайёрлаш тартиби;
- бўлинмалар ишчи ва хизматчиларининг ҳуқуқлари, мажбуриятлари ва жавобгарлиги;
- бўлинмаларнинг молиявий ва моддий-техник таъминотини ташкил этиш;
- бўлинмалар ишчи ва хизматчиларининг ижтимоий ҳимояси тартиби.
Низом ҳарбийлаштирилган соқчилик ва қоровуллик бўлинмалари томонидан кўрсатиладиган хизматларни ҳам белгилайди.
Ҳужжат Қонун ҳужжатлари маълумотлари миллий базасида эълон қилинган ва 17.12.2021 йилдан кучга кирди.
Саодат Усманова.
