Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
2020 йил учун “сув солиғи” бўйича бўнак тўловлари тўғрисидаги маълумотнома қандай тўлдирилади - buxgalter.uz да ўқингДИЛШОД СУЛТОНОВ ЖАВОБ БЕРАДИ: доимий муассасалар учун ҳисобга туриш ва ҚҚС ҳисоб-китоби - buxgalter.uz да ўқингДИЛШОД СУЛТОНОВ ЖАВОБ БЕРАДИ: ХК, оилавий корхоналар ва фермер хўжаликлари соф фойдасига қандай қилиб солиқ солинади - buxgalter.uz да ўқингДИЛШОД СУЛТОНОВ ЖАВОБ БЕРАДИ: ижтимоий солиқ ва ЖШДС. Қандай қилиб МҲЭКМни қайта ҳисоблаш мумкин - buxgalter.uz да ўқингЭСЛАТМА: 2020 йилда ЯТТ даромадларига қандай солиқ солинади - buxgalter.uz да ўқинг2019 йил учун солиқ ҳисоботи: нимани ва қайси муддатларда топшириш лозим - buxgalter.uz да ўқингСолиштирма жадвал: қайси ЭҲФ операторини танлаган маъқул - buxgalter.uz да ўқингИжтимоий соҳа: фойда солиғини тўлаш лозимми - buxgalter.uz да ўқингЯММТ: ечим топилмаган вазиятларда қандай йўл тутилади - buxgalter.uz да ўқингЖШДС солинмаган даромад олган жисмоний шахслар тўғрисидаги маълумотномани топширишни унутманг! - buxgalter.uz да ўқингЭнди ДСХОда коррупция камайишига солиқчиларнинг ишончи комил. Нима учун? - buxgalter.uz да ўқинг2019 йилда айланмаси чегаравий миқдордан ошганлар учун солиқ солиш ва ЯТТ учун мактабда умумий овқатланиш - buxgalter.uz да ўқингФевраль ойи учун бош бухгалтер режаси: бажариладиган 11 та муҳим иш - buxgalter.uz да ўқинг

Миллий гвардияга хизматга кимлар қабул қилинади

20.01.2020

Рус тилида ўқиш

Ўзбекистон Республикаси Миллий гвардияси бўлинмаларига контракт бўйича ҳарбий хизматга номзодларни саралаш тартиби тўғрисидаги низом тасдиқланди (рўйхат рақами 3210, 13.01.2020 й.).

 

Номзодларни саралаш тадбирлари қуйидаги босқичларни ўз ичига олади:

  • номзодни дастлабки ўрганиш;
  • жисмоний тайёргарлик даражасини баҳолаш;
  • психологик ўрганиш (номзоднинг интеллектуал ривожланганлик даражаси ва психоэмоционал барқарорлигини баҳолаш);
  • тиббий кўрик;
  • махсус текширув.

 

Истисно ҳолларда қуйидаги тоифалар учун фақатгина  тиббий кўрик ва махсус текширув босқичларидан ўтган ҳолда Миллий гвардияга хизматга қабул қилиш назарда тутилган:

  • илмий даража ёки илмий унвонга эга бўлган фан арбоблари, шунингдек маданият вакиллари;
  • сўнгги 5 йил давомида республика миқёсидаги спорт мусобақасининг ғолиби бўлган ёки халқаро миқёсдаги спорт мусобақасининг 1-3-ўринларидан бирини эгаллаган спортчилар.

 

Саралашда қуйидагилар иштирок этишлари мумкин:

  • 18 ёшдан 30 ёшгача бўлган шахслар;
  • муқаддам контракт бўйича ҳарбий хизматни ўтаган 40 ёшгача бўлган шахслар;
  • резервдаги ва захирадаги 40 ёшгача бўлган офицерлар.

 

Номзодларни дастлабки ўрганиш мақсадида Миллий гвардия бўлинма бошлиғи ёки командирининг буйруғи бидан доимий фаолият юритадиган Номзодни дастлабки ўрганиш комиссияси ташкил этилади ҳамда номзодлар учун қабул кунлари белгиланади. Бўлинма бошлиғи ёки командири комиссия раиси, кадр органи бошлиғи эса комиссия котиби ҳисобланади.

 

Миллий гвардия бўлинмалари кириш жойларида номзодларни саралаш тартиби, уларга қўйиладиган талаблар ва мунтазам қабул кунлари ҳақидаги маълумотлар қайд этилган ахборот стендлари жойлаштирилиши лозим.

 

Контракт бўйича ҳарбий хизматга кириш истагини билдирган шахслар доимий яшаш жойидаги Миллий гвардия бўлинмасига ариза билан мурожаат қилишлари мумкин. Вақтинча яшаш жойи бўйича шу ҳудудда таҳсил олаётган ёки расмий меҳнат фаолияти билан шуғулланаётган шахслар мурожаат қилишлари мумкин.

 

Низом билан номзодлар томонидан  саралашнинг ҳар бир босқичидан ўтиш учун аниқ мезонлар белгиланган. Шунингдек, Низомда саралашнинг барча босқичларидан ўтган номзодларнинг ҳужжатларини расмийлаштириш ҳамда контракт бўйича Миллий гвардияга ҳарбий хизматга қабул қилиш тартиби белгиланган.

 

Ҳужжат Қонун ҳужжатлари маълумотлари миллий базасида эълон қилинган ва 13.01.2020 йилдан кучга кирди.

 

Анвар Иркаходжаев.