Вазирлар Маҳкамасининг 16.10.2017 йилдаги 831-сон қарори билан Наманган вилоятининг Тўрақўрғон туманида “Ахсикент” археология мероси объектини муҳофаза қилиш ва тадқиқ этиш ёдгорлик мажмуасини ташкил этиш тўғрисидаги таклифлар маъқулланди.
Мажмуа ҳудудида Заҳириддин Муҳаммад Бобур ҳайкалини ўрнатилади, турли тарихий-маърифий тадбирлар ўтказиладиган меъморий ансамбль ташкил этилади.
Мажмуани саклаш, унинг иш фаолиятини самарали ташкил этиш мақсадида "Ахсикент" археология мероси объектини муҳофаза қилиш ва тадқиқ этиш дирекцияси ташкил этилди ва унинг асосий вазифалари белгилаб берилди.
Мажмуани ташкил этиш, қайта тиклаш ва реконструкция қилиш, таъмирлаш ва унинг фаолиятини молиявий қўллаб-қувватлаш билан Наманган вилояти ҳокимлигида тузилган махсус жамгарма шуғулланади.
Ҳужжат давлат тилида қабул қилинган, Қонун ҳужжатлари маълумотлари миллий базасида расман эълон қилинган ва 17.10.2017 йилда кучга кирди.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Сардор Жумашов,
бизнинг эксперт-юрист.
.png)
