Ягона порталда “Озиқ-овқат маҳсулотининг сифати ва хавфсизлиги тўғрисида” Қонунга1 тузатишлар лойиҳаси муҳокама қилинмоқда.
Лойиҳа билан Қонунда ишлатилаётган айрим тушунчаларга тузатиш киритиш таклиф қилинаётир.
озиқ-овқат маҳсулотининг хавфсизлиги – бунда инсон ҳаёти ва саломатлиги учун зарар етказиш эҳтимоли билан боғлиқ хатар бўлмайдиган маҳсулот, уни ишлаб чиқариш, фойдаланиш (ишлатиш), сақлаш, ташиш, сотиш ва утилизация қилиш жараёнларининг ҳолати;
озиқ-овқат маҳсулотининг сифати – озиқ-овқат маҳсулотларининг истеъмол хусусиятларини таъминлайдиган жами хусусиятлар.
Ҳужжат билан янги: “санитария-эпидемиология хулосаси” атамаси киритилади – бу озиқ-овқат маҳсулоти, озиқ-овқат маҳсулотига ишлатиладиган материаллар ва асбоб-ускуналарнинг Ўзбекистон Республикасининг амалдаги санитария қоидалари, нормалари ва гигиена нормативларига мувофиқлигини тасдиқловчи ҳужжатдир.
Кўрсатилган хулоса Қонуннинг амалдаги таҳририга асосан озиқ-овқат маҳсулотининг мувофиқлигини тасдиқлайдиган гигиена сертификати ўрнига жорий қилинади.
Санитария-эпидемиология хулосаси Ўзбекистонда ишлаб чиқариладиган ва мамлакатимизда муомалага киритилган олиб кириладиган озиқ-овқат маҳсулоти, материаллар ва асбоб-ускуналарни давлат рўйхатидан ўтказишда давлат санитария назорати органлари томонидан берилади.
Токсикология-гигиена экспертизаси натижаларига биноан берилган хулоса (келиб чиқиши ҳайвонотга мансуб озиқ-овқат хом ашёсини ветеринария-санитария экспертизасидан ўтказиш) янги озиқ-овқат маҳсулоти ишлаб чиқариш, янги технологик жараёнларни, шунингдек озиқ-овқат маҳсулотига ишлатиладиган ва тайёрланадиган шу маҳсулот учун мўлжалланган материаллар ва асбоб-ускуналарни жорий қилиш учун асос бўлиб хизмат қилади.
Лойиҳа билан шунингдек генетик модификацияланган организмларни сақлайдиган озиқ-овқат маҳсулотини давлат рўйхатидан ўтказишга тақиқни жорий қилиш кўзда тутилган.
Озиқ-овқат маҳсулотини маркировкалаш белгилари жумласига “биологик (органик) маҳсулот” белгисини қўшиш таклиф қилинаётир.
Лойиҳа келишув босқичида ҳамда ўзгартирилиши, тузатиш киритилиши ёки рад этилиши мумкин.
Олег ЗАМАНОВ, экспертимиз.
Мавзу бўйича материал:
«Соғлом она ва бола йили» Давлат дастурига қандай тадбирлар киритилди
1 Ўзбекистон Республикасининг 1997 йил 30 августдаги 483-I-сон Қонуни.