Давлат раҳбарининг 10.08.2017 йилдаги “Мамлакатимиз қурилиш соҳаси ходимларидан бир гуруҳини мукофотлаш тўғрисида”ги фармони қабул қилинди. Бу ҳақда ЎзА хабар беради.
Касб байрами арафасида тармоқни ривожлантиришга қўшган муносиб ҳиссаси учун қурилиш соҳаси ходимларига давлат мукофотлари берилди: «Ўзбекистон Республикасида хизмат кўрсатган қурувчи» фахрий унвони (1 нафар), «Фидокорона хизматлари учун» ордени (2 нафар), «Меҳнат шуҳрати» ордени (4 нафар), «Дўстлик» ордени (5 нафар) ва «Шуҳрат» медали (8 нафар).
Шунингдек, Президент бинокорлар, меъморлар, лойиҳачи ва пудратчи ташкилотлар вакиллари ҳамда фахрийлар ва бутун қурилиш соҳаси меҳнаткашларига табрик нутқи билан мурожаат қилди.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов,
экспертимиз.
