«Ўзкоммунхизмат» агентлиги бош директорининг буйруғи (Адлия вазирлиги томонидан 2016 йил 14 июлда 2810-сон билан рўйхатдан ўтказилган) билан Қаттиқ маиший чиқиндилар полигонларини лойиҳалаштириш ва улардан фойдаланиш бўйича йўриқнома тасдиқланди.
- www.norma.uz
- Қонунчиликдаги янгиликлар
- Қаттиқ маиший чиқиндилар полигонлари йўриқнома бўйича қурилади
Қаттиқ маиший чиқиндилар полигонлари йўриқнома бўйича қурилади
19.07.2016
Ҳужжатда қаттиқ маиший чиқиндилар полигонларини қуриш учун майдонларни танлаш, полигонларнинг қисмлари – кириш йўли, қаттиқ маиший чиқиндиларни жойлаштириш майдони, хўжалик ҳудуди, санитария-муҳофаза зонасини лойиҳалаштириш масалалари батафсил акс эттирилган.
Белгиланишича, полигон ёпилган ва кўкаламзорлаштирилгандан кейин унинг майдонини рекультивация қилишга қуйидаги муддатлар ўтгандан кейин йўл қўйилади:
кўп йиллик ўтлар экилган, ҳайдалма ерлар, пичанзор, майсазорлар барпо этилганда – камида 1 йил;
дарахтлар, буталар, уруғидан кўкартириладиган кўчатлар экилганда – камида 2 йил.
Йўриқнома радиоактив чиқиндилар, биологик чиқиндилар, даволаш-профилактика муассасалари чиқиндилари, зарарли моддаларни атроф-муҳитга (атмосферага) чиқариб ташлаш ва зарарли моддаларни сув объектларига оқизиб юбориш билан боғлиқ муносабатларга нисбатан татбиқ этилмайди.
Ҳужжат давлат тилида қабул қилинган.
Буйруқ Ўзбекистон Республикаси қонун ҳужжатлари тўпламининг 2016 йил 18 июлдаги 28-сонида расмий эълон қилинган кундан эътиборан кучга киради.
Мазкур ҳужжатнинг матни билан, у билан боғланган бошқа қонун ҳужжатларига шарҳлар ва изоҳлар билан «Ўзбекистон Республикаси қонунчилиги» ахборот-қидирув тизимида танишиш мумкин.
«Ўзбекистон Республикаси қонунчилигида янги» шарҳини
эксперт-юристимиз Сардор ЖУМАШОВ
тайёрлади.
Янги сонларда ўқинг
- Қишлоқ хўжалиги маҳсулотларини экспорт қилиш бўйича республика комиссияси тузилди
- Бош бухгалтернинг касаллиги ва солиқ текширувлари
- Якка тартибдаги тадбиркор солиқ солиш тизимини қандай ўзгартириши мумкин
- Сув ресурсларидан фойдаланганлик учун солиқнинг бўнак тўловлари
- «Камбағалликни қисқартиришда тадбиркорлик субъектлари билан ўзаро манфаатли ҳамкорлик ўрнатишга қаратилган чора-тадбирлар белгиланганлиги муносабати билан Ўзбекистон Республикасининг Солиқ кодексига қўшимчалар киритиш тўғрисида»
- Ўзига бўлган ишонч иш муносабатларига қандай таъсир кўрсатади
- «Ўзбекистон Республикасининг айрим қонун ҳужжатларига фуқароларнинг ижтимоий ҳимоясини янада кучайтиришга қаратилган ўзгартириш ва қўшимчалар киритиш тўғрисида»
- Дам олиш кунида ишга қабул қилишни расмийлаштириш мумкинми
- «Ўзбекистон Республикаси Президентининг айрим қарорларига ўзгартириш ва қўшимчалар киритиш тўғрисида»
- «Тошкент шаҳрида «Тошкент инвест компанияси» акциядорлик жамияти ва тадбиркорлик субъектлари ўртасида ўзаро манфаатли ҳамкорлик асосида инвестиция лойиҳаларини амалга оширишни такомиллаштириш чора-тадбирлари тўғрисида»