Президент томонидан 15.04.2025 йилдаги «Қишлоқ хўжалиги таваккалчиликларини суғурта қилиш тўғрисида»ги ЎРҚ-1056-сон Қонун имзоланди.
Қонунда қишлоқ хўжалиги маҳсулотларини етиштиришда бир ёки бир нечта кўрсатиб ўтилган таваккалчиликлар бўйича қишлоқ хўжалиги суғуртаси шартномаларини тузиш назарда тутилган:
• табиий ва техноген офатлар;
• ёнғин;
• ўсимликларнинг зараркунанда ва касалликлар билан зарарланиши;
• қишлоқ хўжалик ҳайвонларининг юқумли касалликлари тарқалиши ва заҳарланиши;
• ёввойи ҳайвонлар томонидан экинларни йўқ қилиш ёки қишлоқ хўжалиги ҳайвонларига зарар етказиш;
• учинчи шахсларнинг ҳаракатлари.
Шунингдек, Қишлоқ хўжалиги таваккалчиликларини суғурталаш жамғармасининг мақоми ва ваколатлари белгиланди.
Қонун билан қишлоқ хўжалиги маҳсулотлари етиштирувчининг, Жамғарма номидан суғурта шартномасини тузувчи воситачининг ҳамда мустақил экспертнинг ҳуқуқ ва мажбуриятлари белгиланди.
Хусусан, қишлоқ хўжалиги маҳсулотлари ишлаб чиқарувчилар қуйидаги ҳуқуқларга эга:
• суғурта шартномасини тузиш учун воситачини танлаш;
• воситачидан суғурта шартномаси шартларини тушунтириб беришни талаб қилиш;
• Жамғарманинг суғурта товонини тўлашни рад этиш тўғрисидаги қарорлари устидан шикоят қилиш.
Бунда улар:
• махсус ахборот тизимида рўйхатдан ўтиш;
• суғурта мукофотини ўз вақтида тўлаш;
• қишлоқ хўжалиги маҳсулотларини етиштиришда барча агротехник ва (ёки) зоотехник тадбирларни ўз вақтида ва етарли даражада амалга ошириш;
• суғурта ҳодисаси юз берганлиги тўғрисида Фондга хабар беришга мажбур.
Ҳужжат Қонун ҳужжатлари маълумотлари миллий базасида эълон қилинган ва 17.07.2025 йилдан кучга киради.
Собир Нурбердиев
