Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Онлайн-НКМ ва виртуал касса солиқ органларида қандай тарзда рўйхатдан чиқариладиНима учун январь ойи ҳисоботида айланмадан олинадиган солиқ ставкаси нотўғри қўлланиладиҲуқуқдан ўзганинг фойдасига воз кечиш шартномаси бўйича валюта маблағларини ўтказиш мумкинмиҲуқуқдан ўзганинг фойдасига воз кечиш шартномаси бўйича валюта маблағларини ўтказиш мумкинми

Қишлоқ хўжалигини ривожлантириш учун - $21,4 млн

18.07.2022

Рус тилида ўқиш

Президентнинг 14.07.2022 йилдаги “Корея Республикаси ҳукуматининг грант маблағлари ҳисобига Ўзбекистон қишлоқ хўжалигига илғор технологияларни жорий этиш чора-тадбирлари тўғрисида”ги ПҚ-321-сон қарори қабул қилинди.

 

Грант маблағлари Юқоричирчиқ туманида жойлашган Қишлоқ хўжалигида билим ва инновациялар миллий маркази (AKIS) ҳудудида қуйидагиларни ташкил этиш учун ажратилади:

  • Ўзбекистонда мева-сабзавотчиликда илғор технологиялар ўқув маркази учун 3,7 млн АҚШ доллари;
  • Ўзбекистонда «ақлли қишлоқ хўжалиги» саноат технологиялари инновацион маркази учун 14 млн АҚШ доллари;
  • Қишлоқ хўжалиги маҳсулотлари ва уларнинг кўчатларини етиштириш маркази ташкил этиш учун 3,7 млн АҚШ доллари.

 

Миллий марказда дастурий таъминотлар билан ишлаш бўйича IT-мутахассислар ва юқори малакали маҳаллий тренерлар тайёрланади, замонавий иссиқхоналар учун дастурий таъминот ишлаб чиқилади.

 

Қишлоқ хўжалигида билим ва инновациялар миллий маркази Корея Республикаси Ҳукуматининг грант маблағлари ҳисобига амалга ошириладиган лойиҳаларни амалга ошириш, шу жумладан, янги ўқув маркази, иссиқхоналар, кўчатхоналар, намунавий хўжаликлар ташкил этиш бўйича ижро этувчи ҳамда масъул орган сифатида белгиланди.

 

Шунингдек, белгиландики, Корея Республикаси Ҳукуматининг грант маблағлари ҳисобига амалга ошириладиган лойиҳалар доирасида ажратиладиган қишлоқ хўжалигига мўлжалланган ер участкасида иморатлар ва иншоотлар қурилиши натижасидаги қишлоқ хўжалиги ишлаб чиқариши нобудгарчиликларининг ўрнини қоплаш бўйича компенсация тўловлари ундирилмайди.

 

Ҳужжат Қонун ҳужжатлари маълумотлари миллий базасида эълон қилинган ва 14.07.2022 йилдан кучга кирди.

 

Саодат Усманова.


kadrovik.uz

Валюталар курси

2024-05-22
  • USD:12708.86 (+0.00) сум
  • EUR:13817.07 (+0.00) сум
  • RUB:140.54 (+0.00) сум

Янги сонларда ўқинг

2024, 21 май№ 21