Президентнинг 4.10.2018 йилдаги “Сайлов жараёнига замонавий ахборот-коммуникация технологияларини жорий этиш чора-тадбирлари тўғрисида”ги қарори имзоланди.
Эслатиб ўтамиз, пойтахтимизда 2017 йил декабрь ойида ўтказилган Халқ депутатлари кенгашларига сайловда Ўзбекистон Республикасининг Сайловчиларнинг ягона электрон рўйхати (СЯЭР) синовдан ўтказилди. Тизим хорижий ва маҳаллий экспертларнинг ижобий баҳосини олди, бироқ айрим муаммолар ҳам намоён бўлди.
Масалан, тизим маҳаллий бўлиб, бутун мамлакатимиз кўламида фаолият юритмайди, шу боис баъзи сайловчилар бир вақтнинг ўзида бир нечта рўйхатларга киритилмоқда ва «бир сайловчи – бир овоз» принципи бузилмоқда. Фуқароларнинг яшаш жойлари манзиллари тўғрисида долзарб ва ҳаққоний ахборотнинг, шунингдек Кўчмас мулк объектлари манзиллари ягона реестрининг мавжуд эмаслиги салбий таъсир кўрсатмоқда.
Шу муносабат билан қуйидаги қарорлар қабул қилинди:
а) мамлакатимизнинг бутун ҳудудида сайлов жараёнига Сайлов жараёнини бошқариш ахборот тизимини жорий этиш ва СЯЭРдан фойдаланиш амалиёти. СЯЭРни шакллантиришда ИИВнинг маълумотлар ахборот базасига, Кўчмас мулк объектлари ягона реестри ва Кўчмас мулк объектлари манзиллари ягона реестрига мувофиқ сайловчи-фуқаролар, уларнинг доимий ва вақтинча яшаш жойларининг манзиллари тўғрисидаги ягона ахборотдан, Кўчмас мулк объектларининг ягона реестри ва Кўчмас мулк объектлари манзилларининг ягона реестридан фойдаланилади. СЯЭР ва уни шакллантириш тартиби тўғрисида батафсил – бу ерда.
Жараёнга Марказий сайлов комиссияси (умумий раҳбарликни ва мувофиқлаштириш), Ахборот технологиялари ва коммуникацияларини ривожлантириш вазирлиги (ягона технологик ёндашув), Ер ресурслари, геодезия, картография ва давлат кадастри давлат қўмитаси (реестрларни юритиш) ва «UNICON.UZ» Фан-техника ва маркетинг тадқиқотлари маркази (тизимини яратиш ва унга техник хизмат кўрсатиш) жалб қилинган.
б) 2019 йил 1 апрелга қадар муддатда:
- фуқароларни уйма-уй юриб ўрганиш орқали (комплекс ижтимоий-иқтисодий ривожлантириш секторлари раҳбарлари иштирокида) фуқароларнинг доимий ва вақтинча яшаш жойлари манзиллари тўғрисидаги ахборотни тўлиқ долзарблаштиришни ўтказиш;
- кўчмас мулк объектларини хатловдан ўтказиш ва хатлов натижаларига кўра Кўчмас мулк объектларининг ягона реестри ва Кўчмас мулк объектлари манзилларининг ягона реестрини шакллантириш жараёнини якунига етказиш.
Амалга ошириладиган ишларни молиялаштириш манбалари ва шахсий жавобгар шахслар белгиланди.
Ҳужжат “Халқ сўзи” газетасида эълон қилинган ва 5.10.2018 йилдан кучга кирди.
Олег Заманов.
