Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
ҚҚС ҳисоб-китобини тўлдириш бўйича “автомат” тузатилди - buxgalter.uz да ўқингДиққат! ЭҲФнинг қайси муаммолари ечимини топмай қолиши мумкин - buxgalter.uz да ўқингДСҚ “нотўғри” нархлар учун янги жарималар жорий этмайди - buxgalter.uz да ўқингКамерал текширув қачон ўтказилади? - buxgalter.uz да ўқингШтрихли кодлашга харажатларни чегирса бўладими - buxgalter.uz да ўқингКамерал текширувсиз аниқлаштирилган ҳисоботни қабул қилишни рад этиш – СК нормаларини бузиш - buxgalter.uz да ўқингНима учун солиқчилар 1 январдан бошлаб ҚҚС тўловчиларнинг ҳисобга олиш суммаларига тузатиш киритмоқдалар? - buxgalter.uz да ўқингФойда солиғи ҳисоб-китобида моддий ёрдам қандай акс эттирилади - buxgalter.uz да ўқингОлдинги йил учун ҚҚС бўйича қайта ҳисоб-китоб қандай топширилади - buxgalter.uz да ўқингИшончномалар ҳақида нималарни билиш лозим - buxgalter.uz да ўқинг

Шифокор-эпидемиологларга тўловлар оширилди

27.04.2020

Рус тилида ўқиш

 

Президент томонидан 24.04.2020 йилдаги коронавирус пандемияси даврида санитария-эпидемиология хизмати ходимларини янада рағбатлантириш тўғрисидаги ПҚ-4695-сон қарор имзоланди.

 

2020 йилнинг 16 мартидан бошлаб, коронавирус инфекцияси тарқалишига қарши курашиш тадбирлари расман тўхтатиладиган ой якунига қадар Санитария-эпидемиологик осойишталик агентлиги ва унинг ҳудудий бўлинмалари тиббиёт ходимларига Инқирозга қарши курашиш жамғармаси маблағлари ҳисобидан:

а) қўшимча тўловлар миқдори оширилади:

  • меҳнатнинг соғлиқ учун хавфлилиги шароитлари учун - 15%дан 50%га;
  • меҳнатнинг оғир шароитлари учун – 40%дан 75%га;

б) меҳнатга ҳақ тўлаш разрядлари бўйича тариф коэффициенти 5%га оширган ҳолда қўлланилади.

 

Бунда улар учун ойлик лавозим маошига нисбатан 6% миқдорида кунлик қўшимча тўлов ва қонунчиликда назарда тутилган бошқа устамалар сақланиб қолади.

 

Республика, ҳудудлар, туман ва шаҳарлар Бош давлат санитария врачлари эпидемияга қарши вақтинчалик отрядларни ташкил этишга ҳақли. Уларга карантин тадбирларини амалга ошириш даврида қуйидаги шартлар билан давлат ва хусусий тиббиёт муассасаларининг тиббиёт ва бошқа ходимлари жалб қилиниши мумкин:

  • давлат тиббиёт муассасалари ходимларининг асосий иш жойидаги меҳнатга ҳақ тўлаш тартиби, шартлари ва миқдорлари сақланиб қолади;
  • хусусий клиникалар ходимларининг меҳнати учун тўловлар, зарур ҳолларда, давлат тиббиёт муассасаларидаги тегишли лавозим ва тоифадаги ходимлар учун белгиланган шартлар ва миқдорларда амалга оширилади. Молиялаштириш - санитария-эпидемиология хизматларига коронавирус инфекциясининг тарқалишига қарши курашиш учун Инқирозга қарши курашиш жамғармасидан ажратиладиган маблағлар ҳисобидан амалга оширилади;
  • давлат ва хусусий тиббиёт муассасалари ҳамда Агентлик ва Санитария-эпидемиология назорати давлат инспекцияси, уларнинг ҳудудий бўлинмаларининг вақтинчалик отрядлар таркибига жалб қилинган ходимлари ойлик лавозим маошига 6% миқдорида ҳар кунлик қўшимча тўловлар худди шу маблағлар ҳисобидан амалга оширилади.

 

Ҳужжат Қонун ҳужжатлари маълумотлари миллий базасида эълон қилинган ва 25.04.2020 йилдан кучга кирди.

 

Олег Заманов.