Солиқларни мажбурий ундириш осонлашди

Маълумки, солиқ қарзларини белгиланган муддатларда тўламаган солиқ тўловчига нисбатан солиқ органлари, мажбурий ундиришнинг қуйидаги чораларини қўллашга ҳақли:

• солиқ тўловчининг банкдаги ҳисобварақларидан солиқ қарзини сўзсиз ундириш (СКнинг 63-моддаси);
• ундирувни солиқ тўловчига унинг дебиторларидан ўтказилиши лозим бўлган суммаларга қаратиш (СКнинг 64-моддаси;
• ундирувни солиқ тўловчининг мол-мулкига қаратиш (СКнинг 65-моддаси).

Солиқ органлари солиқ тўловчидан мол-мулкининг миқдори ўрнатилган минимумдан ошиб кетсагина унинг ҳисобига солиқ қарзини ундиришлари мумкин эди. Ушбу минимум ҳар йили тасдиқланади ва 2017 йилда юридик шахслар учун ЭКИҲнинг 20 баробарини ташкил этади.

Энди СКнинг 59 ва 61-моддаларига киритилган ўзгартиришлар асосида, солиқ органлари солиқ бўйича қарздорлик миқдори белгиланган минимумдан кам бўлса ва у тўлов муддати тугаганидан кейин бир йил мобайнида тўланмаган бўлса, ундиришни солиқ тўловчининг мол-мулкига қаратишга ҳақли.

Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан яқин кунларда «Ўзбекистон Республикаси қонунчилиги» ахборот-қидирув тизимида танишиш мумкин.

Музаффар Мирзағаниев, 
экспертимиз.