Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
2020 йил учун “сув солиғи” бўйича бўнак тўловлари тўғрисидаги маълумотнома қандай тўлдирилади - buxgalter.uz да ўқингДИЛШОД СУЛТОНОВ ЖАВОБ БЕРАДИ: доимий муассасалар учун ҳисобга туриш ва ҚҚС ҳисоб-китоби - buxgalter.uz да ўқингДИЛШОД СУЛТОНОВ ЖАВОБ БЕРАДИ: ХК, оилавий корхоналар ва фермер хўжаликлари соф фойдасига қандай қилиб солиқ солинади - buxgalter.uz да ўқингДИЛШОД СУЛТОНОВ ЖАВОБ БЕРАДИ: ижтимоий солиқ ва ЖШДС. Қандай қилиб МҲЭКМни қайта ҳисоблаш мумкин - buxgalter.uz да ўқингЭСЛАТМА: 2020 йилда ЯТТ даромадларига қандай солиқ солинади - buxgalter.uz да ўқинг2019 йил учун солиқ ҳисоботи: нимани ва қайси муддатларда топшириш лозим - buxgalter.uz да ўқингСолиштирма жадвал: қайси ЭҲФ операторини танлаган маъқул - buxgalter.uz да ўқингИжтимоий соҳа: фойда солиғини тўлаш лозимми - buxgalter.uz да ўқингЯММТ: ечим топилмаган вазиятларда қандай йўл тутилади - buxgalter.uz да ўқингЖШДС солинмаган даромад олган жисмоний шахслар тўғрисидаги маълумотномани топширишни унутманг! - buxgalter.uz да ўқингЭнди ДСХОда коррупция камайишига солиқчиларнинг ишончи комил. Нима учун? - buxgalter.uz да ўқинг2019 йилда айланмаси чегаравий миқдордан ошганлар учун солиқ солиш ва ЯТТ учун мактабда умумий овқатланиш - buxgalter.uz да ўқингФевраль ойи учун бош бухгалтер режаси: бажариладиган 11 та муҳим иш - buxgalter.uz да ўқинг

Тиббий хизматлар «ҳар бир даволанган ҳолат учун» молиялаштирилади

17.01.2020

Рус тилида ўқиш

Вазирлар Маҳкамаси 10.01.2020 йилдаги “Ўзбекистон Республикаси Соғлиқни сақлаш вазирлигининг тиббиёт ташкилотларини молиялаштириш тизимини янада такомиллаштириш чора-тадбирлари тўғрисида”ги 19-сон қарорни қабул қилди.

 

Эслатиб ўтамиз, Президентнинг 2.08.2019 йилдаги ПҚ-4412-сон қарори билан Сирдарё вилоятида 2020 йилдан бошлаб “даволанган ҳолат” учун тиббий хизматлар тўлови механизмини ва “жон боши нормативи” асосида молиялаштириш тизими методологиясини тажриба-синов тарзида жорий этиш назарда тутилган эди.

 

Шундан келиб чиқиб, қарор билан бу механизмлар тажриба-синов тарзида жорий этиладиган Сирдарё вилояти тиббиёт ташкилотларининг рўйхати тасдиқланди (2020 йил 1 апрелдан - 8 та ташкилот, 1 июлдан эса – яна 14 та ташкилот).

 

Қарор билан Ўзбекистон Республикаси Соғлиқни сақлаш вазирлиги тизимидаги тиббиёт ташкилотларини “ҳар бир даволанган ҳолат учун” Ўзбекистон Республикаси Давлат бюджети маблағлари ҳисобидан молиялаштириш тартиби тўғрисидаги вақтинчалик низом тасдиқланди. Ушбу низом Сирдарё вилоятининг тиббиёт ташкилотларини молия бошқармаси, соғлиқни сақлаш бошқармаси ва тиббиёт ташкилоти ўртасида давлат харидлари тўғрисидаги шартнома тузиш орқали клиник-харажат гуруҳлари асосида молиялаштириш тартибини белгилайди. Бунда ҳар бир даволанган ҳолат учун базавий тариф ва клиник-харажат гуруҳлари мураккаблик индекси каби параметрлар инобатга олинади.

 

Шунингдек, Ўзбекистон Республикаси Соғлиқни сақлаш вазирлиги тизимидаги бирламчи тиббий-санитария ёрдами  муассасаларини  Ўзбекистон  Республикаси Давлат бюджети маблағлари ҳисобидан жон бошига молиялаштириш тартиби тўғрисидаги вақтинчалик низом тасдиқланди. Низом қишлоқ врачлик пунктлари, қишлоқ ва шаҳар оилавий поликлиникалари, марказий кўп тармоқли поликлиникаларда татбиқ этилади. У бир киши ҳисобига харажатлар нормативидан келиб чиқиб, шартномалар асосида молиялаштиришни назарда тутади. Бунда бириктирилган аҳоли, базавий харажатларнинг меъёри, тузатиш коэффициенти каби параметрлар инобатга олинади.

 

Соғлиқни сақлаш вазирлиги ва Молия вазирлиги бир ой муддатда Сирдарё вилояти соғлиқни сақлаш бошқармаси тузилмасида тиббий хизматлар бўйича давлат харидлари тўғрисидаги шартномаларни тузиш ва бажарилган ишларни қабул қилиш бўлимини ташкил этади. Шунингдек, молиялаштиришнинг янги механизмларига ўтаётган тиббиёт ташкилотлари учун cтационар ва амбулатор шароитда беморларни даволаш харажатларини алоҳида ҳисобга олиш мақсадида мавжуд электрон бухгалтерия ҳисоби ва ҳисобот дастурлари такомиллаштирилади.

 

Соғлиқни сақлаш вазирлиги молиялаштиришнинг янги механизмини жорий этиш бўйича тажриба-синов ўтказиш натижаларининг тизимли мониторинги ва таҳлилини юритади.

 

Тажрибани амалга оширишнинг оралиқ якунлари бўйича ахборот, шунингдек, амалдаги қонун ҳужжатларига ўзгартириш ва қўшимчалар тўғрисида  таклифлар 2020 йил 1 декабргача бўлган муддатда Вазирлар Маҳкамасига киритилади.

 

Ҳужжат Қонун ҳужжатлари маълумотлари миллий базасида эълон қилинган ва 11.01.2020 йилдан кучга кирди.

 

Анвар Иркаходжаев.