МБ Бошқарувининг қарори (1.08.2018 йилда 2014-13-сон билан рўйхатдан ўтказилган) билан Банкларни рўйхатга олиш ва улар фаолиятини лицензиялаш тартиби тўғрисидаги низомга ўзгартиришлар киритилди.
Белгиланишича, рақамли банк – инновацион банк технологияларидан фойдаланган ҳолда (кассада хизмат кўрсатмай) масофадан туриб банк хизматларини кўрсатувчи банк ёки унинг таркибий бўлинмаси. Қолган ҳолларда унинг фаолиятини лицензиялаш стандарт тартиб-таомилдан фарқ қилмайди.
Бундан ташқари, банклар кенгашларининг раиси ва аъзолари қўйиладиган малака талабларига мувофиқликларини аниқлаш мақсадида бундан буён суҳбат ўтказиш учун Марказий банкка таклиф этилмайдилар. Банкни рўйхатдан ўтказиш ва лицензия олиш учун эса энди банк бошқаруви раиси ва унинг ўринбосарлари, бош бухгалтери ва унинг ўринбосарлари эгаллаб турган лавозимларига мувофиқлиги юзасидан баҳолангани тўғрисида регуляторнинг хулосасини тақдим этиш керак эмас.
Шу билан бир қаторда, ҳужжат матни Марказий банк тузилмасидаги ташкилий ўзгартиришларга мувофиқлаштирилди.
Ҳужжат Қонун ҳужжатлари маълумотлари миллий базасида эълон қилинган ва 1.08.2018 йилдан кучга кирди.
Самир Латипов.
