Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Қишлоқ хўжалик товар ишлаб чиқарувчилари учун Ер солиғи ҳисоб-китобида озод қилиш қандай акс эттирилади - buxgalter.uz да ўқингАйланмадан олинадиган солиқ ҳисоб-китобида озод этиш қандай акс эттирилади - buxgalter.uz да ўқингБухгалтерни муддатли шартнома бўйича ёллаш мумкинми? - buxgalter.uz да ўқингҚарзлар МҲХС бўйича қандай акс эттирилади - buxgalter.uz да ўқингРеализацияни тан олиш муддатлари нима учун қайта кўриб чиқилиши керак - buxgalter.uz да ўқинг

Ветеринар ва чорвачини қаерда ўқитадилар

08.10.2019

Рус тилида ўқиш

Вазирлар Маҳкамасининг 3.10.2019 йилдаги 840-сон қарори билан Самарқанд ветеринария медицинаси институтининг Тошкент филиали фаолияти тартибга солинди.

 

Эслатиб ўтамиз, филиал Президентнинг 28.03.2019 йилдаги ПҚ-4254-сон қарори билан ташкил этилган.

 

Бу ерда ветеринария ва чорвачилик соҳаси мутахассисларини тайёрлайдилар, уларнинг малакасини ошириш ва уларни қайта тайёрлаш курсларини ташкил этадилар, шунингдек  амалий ва инновацион изланишлар билан шуғулланадилар. Филиалга талабаларни қабул қилиш 2020/2021 ўқув йилидан қуйидаги бакалавриат йўналишларига амалга оширилади:

  • зооинженерия;
  • ветеринария медицинаси;
  • ветеринария - санитария экспертизаси;
  • ветеринария диагностикаси ва лаборатория ишлари.

 

Қабул квотасини ҳар йили тасдиқланадиган олий таълим муассасаларига қабул параметрларидан келиб чиқиб белгилайдилар.

 

ОТМга Учтепа тумани, Ўрикзор даҳаси, Ҳалқа йўли кўчаси 9-уй манзилида жойлашган Тошкент иқтисодиёт ва сервис коллежининг биноси, мавжуд 200 ўринли ётоқхонаси билан биргаликда берилади. Коллеж ўқувчилари ўқишни битиргунларига қадар филиал биноларида қоладилар. Бундан ташқари, коллеж лаборатория биносининг бир қисмини  Тошкент Асаларичилар уюшмасига тақдим этадилар.

 

Ҳужжат Қонун ҳужжатлари маълумотлари миллий базасида эълон қилинган ва 4.10.2019 йилдан кучга кирди.

 

Ленара Хикматова.