Президент томонидан 16.06.2023 йилдаги “Ўзбекистон Республикасининг айрим қонун ҳужжатларига норасмий бандликни қисқартиришга қаратилган ўзгартишлар ва қўшимча киритиш тўғрисида”ги ЎРҚ-847-сон Қонун имзоланди.
ЯТТ билан меҳнат муносабатларида бўлган жисмоний шахслар учун тўланиши лозим бўлган ҳар йилги ижтимоий солиқ суммасининг микдори йилига БҲМнинг 6 бараваридан 1 бараваригача миқдорга камайтирилмоқда (cавдо мажмуалари ва бозорларда фаолиятни амалга ошираётган ЯТТлардан ташқари).
Эндиликда шахсий томорқа ер участкаларида банд бўлган ёки мазкур майдонда:
- чорвачилик;
- иссиқхона хўжалиги;
- паррандачилик;
- қуёнчилик;
- асаларичилик, балиқчилик;
- боғдорчилик;
- лимончилик;
- гулчилик билан шуғулланаётган шахсий томорқа ер участкаларининг эгалари ёки уларнинг оила аъзолари бўлган фуқаролар томонидан (уларга тегишли томорқа ер участкасининг майдонидан ёки улар томонидан парвариш қилинаётган уй ҳайвонлари ва паррандаларнинг сонидан қатъи назар) меҳнат стажини ҳисоблаш учун ихтиёрий тарзда ижтимоий солиқ тўлашлари мумкин.
Ҳужжат Қонун ҳужжатлари маълумотлари миллий базасида эълон қилинган ва 17.06.2023 йилдан кучга кирди.
Собир Нурбердиев.
