Қонунчиликдаги янгиликлар

Ҳисоб палатаси мамлакатимизда амалга оширилаётган лойиҳаларни халқаро молия институтлари ва хорижий ҳукумат молия ташкилотларининг мурожаатлари ва техник топшириқлари асосида молиявий аудитдан ўтказади.

Маъмурий тартиб-таомиллар ва маъмурий суд ишларини юритиш тизимини такомиллаштириш доирасида Ўзбекистон делегациясининг Японияга хизмат сафари бўлиб ўтди.

Шунингдек, якка тартибдаги тадбиркорлар томонидан импортни амалга оширишда товар қиймати бўйича 5 000 АҚШ доллари миқдоридаги чеклов олиб ташланди, туристларга уй-жойни 30 кунгача бўлган муддатга ижарага бериш бўйича талаблар бекор қилинди.

Касбий таълим ташкилотларини комплекс давлат аккредитациясидан ўтказишда баҳолаш мезонлари бўйича индикаторлар тасдиқланди.

Аҳолини ижтимоий ҳимоя қилиш тизимини янада такомиллаштиришга қаратилган қонун қабул қилинди.

Тизимни жорий этишнинг биринчи босқичида электрон рецепт антибиотиклар, синтетик антибактериал препаратлар ва тизимли таъсирга эга гормонал препаратлар учун мажбурий ҳисобланади.

ССП, шунингдек, хизматлардан фойдаланишда юзага келадиган масалалар ва муаммолар бўйича мурожаатларни қабул қилиш, маслаҳат бериш ва ҳал этиш учун "Бизнес ҳамроҳ" электрон платформаси ва "Сall -марказ"ни ишга туширади.

Бизнесни давлат томонидан қўллаб-қувватлаш доирасида олинган субсидия, имтиёз ва преференциялар мақсадсиз ёки самарасиз ишлатилган бўлса, уларни қайтаришга тўғри келади.

Ахборот технологиялари, телекоммуникациялар ва медиа соҳасида давлат назорати тизими ўзгармоқда. Чора-тадбирлар фуқароларни – биринчи навбатда болалар ва ёшларни нотўғри ва зарарли контентдан ҳимоя қилишга, шунингдек, рақамли хизматлар сифатини оширишга қаратилган.

Тингловчилар учун ўқув курслари Рақобат сиёсати ва истеъмолчилар ҳуқуқларини ўрганиш марказида ёки масофавий таълим шаклида ташкил этилади.

Ноёб экотизимларга зарар етказмаган ҳолда экотуризмни ривожлантириш мақсадида алоҳида муҳофаза этиладиган табиий ҳудудларда туристик сўқмоқларни ташкил этиш тартиби тасдиқланди.

Имтиёзли солиқ режимини тақдим этувчи ва (ёки) молиявий операцияларни амалга оширишда ахборотни ошкор этиш ва тақдим этишни назарда тутмайдиган давлатлар (оффшор зоналар) рўйхатидан Панама Республикаси чиқариб ташланди.

Президент яширин иқтисодиётни қисқартириш тўғрисида 10.12.2025 йилдаги ПФ-246-сон Фармонни имзолади Асосий янгилик – 2026 йил 1 апрелдан алкоголь, тамаки, кўчмас мулк, автомобиллар ва 25 млн сўмдан юқори бўлган товарларни сотиб олишда нақд пул билан ҳисоб-китоб қилиш тақиқланади.

Қишлоқ хўжалиги таваккалчиликларини суғурталашнинг янги тизими тасдиқланди: давлат суғурта мукофотининг бир қисмини молиялаштиради, махсус жамғарма эса фавқулодда вазиятларда тўловларни таъминлайди.

Республика ижро этувчи ҳокимият органларининг туман (шаҳар) бўлинмалари раҳбарлари, шунингдек, туман (шаҳар) ҳокимлари ва уларнинг ўринбосарлари ҳар беш йилда, одатда бошқа туманга ротация қилинади.

Адлия вазирлиги талабгорларни тайёрлашнинг янги тартибини тасдиқлади. Ҳужжат ўқитиш, имтиҳонлар ва аттестациянинг қатъий қоидаларини назарда тутади, шунингдек, махсус комиссиялар ва рақамли тизимлар орқали назоратни жорий этади.

Биржа савдолари орқали сотилган пахта хомашёсининг ҳар бир тоннаси учун 2025 йил ҳосилидан бошлаб 1 миллион сўмдан субсидия ажратилади.

Электрон тизимларга қўйиладиган талаблар ўзгартирилди ва "Ўзархив" агентлигининг ваколатлари кенгайтирилмоқда, бу эса хизмат маълумотларининг хавфсизлигини оширади ва барча давлат тузилмаларида ҳужжат айланишини стандартлаштиради.

Соғлиқни сақлаш вазирининг буйруғи билан мажбурий даволаш учун мўлжалланган наркология муассасаларида даволаш жараёнини ташкил этиш тартиби белгиланди.

Суғурта ҳодисалари юз берган тақдирда суғурталанган шахсларга ёки уларнинг оила аъзоларига тегишли нафақалар, шу жумладан дам олиш кунларида ҳам тўланади.