Президентнинг 27.07.2017 йилдаги ПҚ-3150-сон қарори билан Президент ҳузуридаги Лойиҳа бошқаруви миллий агентлиги тўғрисида низом тасдиқланди. Ҳужжат давлат раҳбари сайтида жойлаштирилган.
Эслатиб ўтамиз, Президент ҳузуридаги Лойиҳа бошқаруви миллий агентлиги ташкил этилиши ва унинг асосий вазифалари ҳақида биз аввал ёзгандик.
Агентлик – юридик шахс ҳуқуқига эга давлат муассасаси, ўз фаолиятида Президентга ҳисобот беради. Агентлик фаолият соҳаси давлат органлари ва давлат улуши 50%дан кўп бўлган бошқа ташкилотлар, хўжалик жамиятлари, шунингдек Вазирлар Маҳкамаси мутасаддилик қиладиган хўжалик юритувчи субъектларга татбиқ этилади.
Ислоҳотларни рўёбга чиқаришни тизимли асосда ўрганиш асосида Агентлик мутахассислари давлат ва минтақавий дастурлар билан ўзаро мувофиқликда Ўзбекистон инвестиция дастурларини шакллантириш ва рўёбга чиқаришни мониторинг ва назорат қилишни амалга оширадилар. Бунинг учун Лойиҳа бошқарувининг ягона миллий ахборот тизимидан фойдаланилади (фойдаланишга топшириш – 1.01.2019 йилгача).
Агентлик давлат органлари ва бошқа ташкилотлар, шунингдек бизнес-ҳамжамиятининг эксперт ишчи гуруҳларининг лойиҳа ишлари и давлат харидларини такомиллаштириш, мамлакат инвестиция муҳитини яхшилаш масалалари бўйича ишини ташкил этади ва мувофиқлаштиради. Агентликнинг фаолият соҳасига кирадиган масалалар бўйича НҲҲ лойиҳалари албатта у билан келишилади.
Бунда қуйидаги тартиб жорий этилди:
- 2018 йил 1 январдан Агентлик Давлат бюджети, давлат мақсадли жамғармалари, жалб қилинадиган чет эл кредитлари, қарзлари ва грантлари ҳисобидан амалга ошириладиган давлат ва минтақавий дастурлар, инвестиция лойиҳалари билан ўзаро мувофиқликда Ўзбекистон инвестиция дастурлари бўйича хулоса беради;
- 2019 йил 1 январдан Ўзбекистон инвестиция дастурларини шакллантириш ва рўёбга чиқаришни мониторинг ва назорат қилиш Агентлик томонидан Лойиҳа бошқарувининг ягона миллий ахборот тизимидан фойдаланилган ҳолда амалга оширилади.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов,
экспертимиз.
