davreestr.uz махсус ахборот портали ташкил этилди. Бу ҳақда сайт ишлаб чиқувчиси «Геоинфоком» ДУК Facebookдаги саҳифасида маълум қилди.
Ресурс жисмоний ва юридик шахсларга Кўчмас мулкка бўлган ҳуқуқ ва унга доир битимлар давлат реестридан маълумотларни эркин кириб олиш имкониятини тақдим этади. Унда кўчмас мулк номи, уй (квартира) рақами, майдони, давлат рўйхатидан ўтказилганлиги тўғрисидаги гувоҳнома серияси ва рақами, кадастр иши рақами ва бошқалар кўрсатилади.
Маълумот олиш учун кўчмас мулк тоифасини (якка тартибдаги уй-жой/квартира) танлаш ва махсус ажратилган сатрга объектнинг кадастр рақамини ёзишнинг ўзи кифоя. Барча маълумотлар олинаётган пайтда актуал ҳисобланади.
Хизмат реал вақт (онлайн) режимида бепул тақдим этилади.
Айни вақтда сайт бета-версия режимида ишлаяпти, унга киришда вақтинчалик муаммолар бўлиши эҳтимолдан холи эмас.
Комментарии (1)
Добавить комментарийГость_ало :
сапсибо