Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Какую форму ЭСФ заполнить строительной организации и продавцу фармпродукции - читать на buxgalter.uzГНК рассказал, как камеральный контроль выявил самые распространенные нарушения по НДС - читать на buxgalter.uzГНК разъяснил предлагаемый механизм применения санкций к экспортерам и импортерам - читать на buxgalter.uzНужно ли уже сейчас вносить в ЕНСТ данные действующих трудовых договоров - читать на buxgalter.uzКак комиссионеру заполнить электронный счет-фактуру - читать на buxgalter.uz

Олий Мажлис Сенатининг ўн тўққизинчи ялпи мажлиси 3 май куни бўлиб ўтади

29.04.2019

Читать на русском языке

Олий Мажлис Сенати Кенгашининг 2019 йил 26 апрель куни бўлиб ўтган мажлисида Олий Мажлис Сенатининг ўн тўққизинчи ялпи мажлисини жорий йилнинг 3 май куни Тошкент шаҳрида чақириш тўғрисида қарор қабул қилинди.

 

Ялпи мажлис кун тартибига “Давлат-хусусий шериклик тўғрисида”ги, “Қишлоқ хўжалигига мўлжалланмаган ер участкаларини хусусийлаштириш тўғрисида”ги (шарҳга қаранг), “Қайта тикланувчи энергия манбалари тўғрисида”ги, “Яйловлар тўғрисида”ги (шарҳга қаранг) қонунлар киритилган.

 

Шунингдек, сенаторлар Жиноят кодекси, Маъмурий жавобгарлик тўғрисидаги кодекс, Иқтисодий процессуал кодекс ҳамда бошқа қонун ҳужжатларига ўзгартиш ва қўшимчалар киритиш тўғрисидаги Қонунларни ҳам кўриб чиқадилар.

 

Шу билан бирга, ялпи мажлисда “Фаол инвестициялар ва ижтимоий ривожланиш йили” Давлат дастурининг 2019 йил биринчи чорагидаги ижроси юзасидан Вазирлар Маҳкамасининг ҳисоботини, шунингдек Марказий банкнинг, прокуратура органларининг, Ҳисоб палатасининг 2018 йилдаги фаолияти тўғрисидаги ҳисоботлари эшитилади.

 

Ялпи мажлисда Тошкент вилояти ҳокимининг ҳудудларни ривожлантириш ҳамда халқ депутатлари маҳаллий Кенгашлари фаолияти ҳақидаги ҳисоботи ҳам тингланади.

 

Сенат аъзолари тадбиркорлик фаолиятини амалга оширишда аҳолининг санитария-эпидемиологик осойишталигини таъминлаш масалалари, сув объектларига оқинди сувларни оқизиш билан боғлиқ муаммолар юзасидан Ҳукумат аъзоларига парламент сўровлари юбориш, шунингдек илгари юборилган парламент сўровлари натижаларини муҳокама қиладилар.

 

Ялпи мажлисда Олий Мажлис Сенатининг ваколатларига тааллуқли бошқа масалалар ҳам кўриб чиқилади.

 

Олий Мажлис Сенатининг
Ахборот хизмати
материаллари асосида