14 февралдан бошлаб «Сувсоз» ДУК совуқ сув таъминоти ва канализация хизматлари учун янги тарифларни жорий этади.
Қуйидаги нархлар белгиланди:
Хусусий уйларда:
- канализацияланган уйда 1 м3 учун = 460 сўм;
- канализациясиз 1 м3 учун = 295 сўм.
Кўп қаватли уйда:
- марказлаштирилган иссиқ сув таъминоти билан 1 м3 учун = 625 сўм;
- марказлаштирилмаган иссиқ сув таъминоти билан 1 м3 учун = 460 сўм.
«Сувсоз» ДУКда бизга тушунтиришларича, мазкур тарифлар кўпайтирувчи устама ва коэффициентларсиз келтирилган (бу ҳақда биз алоҳида материалда ёзганмиз). «Сувсоз» ДУКнинг қўшимча хизматлари учун тарифларни бу ердан топиш мумкин.
Қуйидагилар нархларни ошириш учун асос бўлди:
- Тошкент шаҳар ҳокими аппарати Молия бош бошқармаси томонидан тасдиқланган декларация, 2018 йил 29 январдаги 02-ТГ-сон реестр;
- Тошкент шаҳар ҳокимининг 2018 йил 12 январдаги 69-сон қарори, унга мувофиқ Тошкент шаҳри истеъмолчилари учун ичимлик сув таъминоти хизматлари тарифларига махсус устама ҳақ миқдори белгиланди.
