2020 йил Давлат дастури лойиҳасида пойтахтда ва Тошкент вилоятида доимий пропискаси мавжуд эмаслиги билан боғлиқ чекловларни бекор қилиш назарда тутилган. Бу ҳақда «Юксалиш» умуммиллий ҳаракатининг сайтида хабар қилинади.
2020 йил 1 апрелдан бошлаб қуйидагилар бекор қилиниши назарда тутилмоқда:
- Тошкент шаҳри ва Тошкент вилоятида кўчмас мулк харид қилишда Ўзбекистон фуқаролари учун ушбу ҳудудларда доимий пропискага эга бўлиш талаби;
- мамлакатда доимий прописка бўйича истиқомат қилувчи жисмоний шахсларга Тошкент шаҳри ва Тошкент вилоятидаги янги қурилган уйларда кўчмас мулк олди-сотдиси шартномаларини расмийлаштириш учун давлат божининг алоҳида ставкаси (шартнома қийматининг 5%и, бироқ 10 БҲМдан кам бўлмаган миқдорда, тарҳ. изоҳи).
Умуман олганда, прописка институтини модернизациялаш режалаштирилмоқда: жараённи рақамлаштириш, уни «ягона дарча» форматига ўтказиш, мавжуд тўсиқларни бирин-кетин бартараф этиш назарда тутилган.
2020 йил Давлат дастури лойиҳасида 20 февралгача муҳокама учун очиқ бўлади. Ўз шарҳларингиз ва таклифларингизни ҳаволадан ўтиб қолдиришингиз мумкин.