Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Новое на buxgalter.uzКакие налоговые последствия возникают при переводе долга по импортному контракту Облагается ли налогом на прибыль спонсорская помощь на развитие спорта Как открыть личный инвестиционный счет в Узбекистане Как продавать маркированные товары через интернет-магазин Как возместить «отрицательный» НДС – Buxgalter Pro Как возместить «отрицательный» НДС – Buxgalter Pro

Якка тартибдаги тадбиркорнинг аризаси қаноатлантирилди

29.03.2023

Читать на русском языке

Хоразм вилоятида фаолият юритувчи якка тартибдаги тадбиркор Ф.Б. Урганч шаҳар давлат солиқ инспекцияси ходимлари томонидан ўтказилган сайёр солиқ текширувидан норози бўлиб ёзган мурожаати Бизнес-омбудсман девони ходимлари томонидан ўрганиб чиқилди.

 

Ўрганиш натижасида сайёр солиқ текширувини ўтказиш давомида Урганч шаҳар ДСИ ходимлари томонидан Солиқ кодекси ҳамда Вазирлар Маҳкамасининг “Солиқ хавфини бошқариш, солиқ хавфи мавжуд солиқ тўловчиларни (солиқ агентларини) аниқлаш ва солиқ текширувларини ташкил этиш ва ўтказиш тўғрисида”ги 1-сон қарори талаблари бузилганлиги аниқланди.

 

Шунга асосан, Урганч шаҳар ДСИ ходимлари Ж.А. ҳамда А.Ш.га нисбатан МЖТКнинг 2412-моддасига асосан маъмурий ҳуқуқбузарлик тўғрисида баённома расмийлаштирилиб, кўриб чиқиш учун Жиноят  ишлари бўйича Урганч шаҳар судига юборилди.

 

Маълум бўлишича, ДСИ ходимлари  Солиқ кодексининг 153-моддаси ва Назорат қилувчи органлар томонидан тадбиркорлик субъектлари фаолиятида ўтказиладиган текширувларни келишиш ва ўтказиш тартиби ҳақидаги низом талабларига зид равишда сайёр солиқ текширувини ўтказишган. Хусусан:

  • текширув Урганч шаҳрида жойлашган савдо шохобчасида якка тартибдаги тадбиркорнинг иштирокисиз амалга оширилган;
  • солиқ тўловчининг кассасида мавжуд нақд пул қолдиғини саноқдан ўтказиш далолатномаси тузилмаган;
  • текширув жараёни узлуксиз равишда видеотасвирга ёзиб олинмаган;
  • текширув натижалари текширув тугаганидан кейин 3 кун давомида текширувларни электрон рўйхатга олиш ягона тизимига киритилмаган.

 

Жиноят ишлари бўйича Урганч шаҳар судининг ҳал қилув қарорига асосан Урганч шаҳар ДСИ ходимлари Ж.А. ҳамда А.Ш. томонидан МЖТКнинг 2412-моддасида назарда тутилган ҳуқуқбузарлик содир этилган деб топилган.

 

Шундан кейин аризачи якка тартибдаги тадбиркорнинг манфаатида Бизнес-омбудсман девони ходимлари Урганч шаҳар Давлат солиқ инспекциясининг “Солиққа оид ҳуқуқбузарлик содир қилинганлиги учун солиқ жавобгарлигига тортиш тўғрисида”ги қарорини ҳақиқий эмас деб топиш тўғрисида Урганч туманлараро маъмурий судига мурожаат қилган.

 

Натижада якка тартибдаги тадбиркорга Солиқ кодексининг 2211-моддаси 1-қисмига асосан қўлланилган 10 млн сўм миқдорида жарима жорий йилнинг февраль ойида Урганч туманлараро маъмурий суди томонидан бекор қилинди.