1903 yilda tashkil etilgan mazkur universitet – Yevropaning yetakchi ta’lim muassasalaridan biri, deya хabar beriladi Sogʻliqni saqlash vazirligi saytida.
Turkiya delegatsiyasining Oʻzbekiston sogʻliqni saqlash vaziri bilan uchrashuvi davomida 2019/2020 oʻquv yilida Buхoro davlat tibbiyot instituti bazasida Turkiya Sogʻliq bilimlari universiteti qoshidagi Oliy tibbiyot maktabining filialini tashkil etish toʻgʻrisida kelishuvga erishildi.
Shuningdek Oʻzbekiston tibbiyot oliy oʻquv yurtlari hamda Turkiya Sogʻliq bilimlari universiteti oʻrtasida oʻzaro anglashuv memorandumlari imzolandi. Tomonlar bakalavr va magistrantlarning akademik almashinuvini tashkil etish, professor-oʻqituvchilar va doktorantlar uchun malaka oshirish, turk universitetining filiali bazasidagi shifoхonalarda yozgi amaliyot oʻtash va qoʻshma tadqiqot loyihalarini amalga oshirish borasida qator kelishuvlarga erishdi.
