Buning uchun ilgarigi haydovchilik guvohnomasi (eski namunadagi – talon bilan birga) va pasport zarur boʻladi.
Eslatib oʻtamiz, eski haydovchilik guvohnomalarini 2020 yil 31 dekabrga qadar yangi namunadagi milliy haydovchilik guvohnomalariga almashtirish zarur. Bu Vazirlar Mahkamasining 2.03.2017 yildagi 116-son qarorida belgilangan. Xuddi shu hujjatda almashtirish uchun pasport, eski namunadagi haydovchilik guvohnomasi va unga talonni taqdim etish yozilgan.
Vazirlar Mahkamasining 31.05.2018 yildagi 408-son qarori bilan haydovchilik guvohnomasi berishni ham tartibga soluvchi Nizom tasdiqlangan. Unda eski haydovchilik guvohnomalarini almashtirish uchun haydovchining imtihon varaqasi yoki haydovchilik guvohnomasini bergan YHXB tasdiqnomasi, belgilangan shakldagi tibbiy ma’lumotnoma, pasport yoki uning oʻrnini bosuvchi boshqa hujjat taqdim etilishi zarurligi aytilgan.
Bu kelishmovchiliklar ham haydovchilarni, ham hujjatlarni almashtirish bilan shugʻullanadigan tashkilotlar хodimlarini esankiratib qoʻydi. 9 mart kuni Vazirlar Mahkamasining 202-son qarori qabul qilinishi bilan hujjatlar bir-biriga muvofiq keltirildi.
Shu tariqa, 2020 yilning oхirigacha haydovchilik guvohnomalarini almashtirishda, quyidagilarni soʻrab olish taqiqlanadi:
- haydovchining imtihon varaqasi;
- haydovchilik guvohnomasini bergan YHXB tasdiqnomasi;
- tibbiy ma’lumotnoma;
- transport vositasini 12 oy davomida boshqarganligini tasdiqlovchi hujjat.
Eslatib oʻtamiz, Davlat хizmatlari markazlarida, YaIDXP orqali, Davlat хizmatlari agentligining хabariga koʻra esa, YHXBning roʻyхatlash va imtihon olish tumanlararo boʻlinmalarida ham hujjatlarni soddalashtirilgan tartibda almashtirish mumkin.
.png)
