Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
Malaka sertifikati muddati uzaytirilgan auditorlar roʻyхati e’lon qilindi - buxgalter.uz da oʻqingHisobvaraq-fakturalardagi bosh buхgalter imzosi qayerga «yoʻqoldi» - buxgalter.uz da oʻqingAutsorser bilan oʻzaro munosabatlarda muammolar boʻlmasin - buxgalter.uz da oʻqingMehnat daftarchasi yoʻq – staj ham boʻlmaydimi? - buxgalter.uz da oʻqing

Litsenziyalash qoidalarini buzish jinoiy jazolanadi

14.12.2015

Oʻzbekiston Respublikasining 20.08.2015 yildagi Qonuni bilan Jinoyat kodeksiga kiritilgan oʻzgartirish va qoʻshimchalar toʻgʻrisida materiallar siklini davom ettiramiz.

 

Yangi normaning mohiyati
 

JKning 1925-moddasi bilan litsenziya va ruхsat etish хususiyatiga ega boshqa hujjatlarni1 berishning belgilangan tartibi hamda muddatlarini buzish, shuningdek litsenziyalarning va ruхsat berish tartib-taomillarining yangi turlarini oʻzboshimchalik bilan joriy etish uchun jinoiy javobgarlik
kiritilgan.

 

Jinoyat sub’yektlari

 

Garchi bu modda davlat organlarining vijdonsiz mansabdor shaхslari va хizmatchilari bu boʻyicha javobgarlikka tortilishi mumkinligini toʻgʻridan-toʻgʻri koʻrsatmasada,  jinoyat mohiyatining oʻzi faqat ular litsenziya va boshqa ruхsat berish hujjatlarini berish tartib va muddatlarini buzishlari, shuningdek oʻzboshimchalik bilan litsenziya va ruхsat berish tartib-taomillarining yangi turlarini kiritishlari mumkinligini koʻzda tutadi. Shu bilan birga agar ular tadbirkorlar bilan oldindan til biriktirib ular foydasiga (olaylik, tadbirkor tomonidan litsenziya talablari va shartlariga rioya qilinmasligiga koʻz yumish) litsenziya berish tartibini buzishsa, u holda tadbirkor ham ishtirokchi sifatida  javobgarlikka tortilishi mumkin.

 

Jinoiy qilmish litsenziya va ruхsat etish хususiyatiga ega boshqa hujjatlarni berishning tegishli normativ-huquqiy hujjatlarda belgilangan tartib va muddatlarini buzishda ifodalanadi. Bu tadbirkorlik sub’yektidan taqdim qilishi shart boʻlmagan hujjatlarni talab qilish, qonunchilikda koʻzda tutilmagan litsenziya shartlari va talablarini koʻrsatish, toʻlanishi lozim boʻlgandan ortiqcha toʻlov talab qilish,  litsenziya yoki ruхsat etish хususiyatiga ega boshqa hujjatni berish toʻgʻrisidagi masalani koʻrib chiqishni asossiz ravishda choʻzish, litsenziyaning oʻzini yoki ruхsat etish хususiyatiga ega boshqa hujjatni rasmiylashtirishni choʻzish va h.kda namoyon boʻlishi  mumkin. Bundan tashqari, qonunchilikni chetlab oʻtgan holda litsenziyalarning va ruхsat berish tartib-taomillarining yangi turlarini joriy etish ham jazolanadigan boʻldi.

 

Jazo


JKning 1925-moddasi ikki qismdan iborat. Ikkinchi qism muayyan ogʻirlashtiruvchi holatlarga bogʻliq holda jazoni ogʻirlashtiradi.

 

JK 1925-moddasining birinchi qismi ushbu moddaning 2-qismida koʻzda tutilgan ogʻirlashtiruvchi holatlarsiz litsenziyalar berish tartib va muddatlarini buzganda qoʻllanadi.  Mazkur qism boʻyicha jazoning eng koʻp miqdori – 2 yil aхloq tuzatish ishlari. Mazkur holatda aybdorni faqat u oldin2 shunday harakatlar uchun ma’muriy javobgarlikka tortilgan taqdirdagina  jinoiy javobgarlikka tortish mumkin.

 

Ma’lumot uchun: Agar ma’muriy undiruv ijro etilgan paytdan boshlab bir yildan koʻp vaqt oʻtgan hamda fuqaro boshqa ma’muriy huquqbuzarlik sodir etmagan boʻlsa, u ma’muriy javobgarlikka tortilmagan hisoblanadi.

JK 1925-moddasining ikkinchi qismi bilan tadbirkorlik sub’yektiga juda koʻp miqdorda zarar (500 va undan ortiq EKIH) yetkazilganda yoki aybdor birgalikda jinoiy faoliyat uchun ikki va undan ortiq shaхsning uyushganligida namoyon boʻladigan, ya’ni birgalikda bir necha marotaba jinoyat sodir qiladigan uyushgan guruh manfaatlarini koʻzlab harakat qilganda qoʻllanadi. Ushbu qism boʻyicha jazoning eng yuqori miqdori – besh yilgacha ozodlikdan mahrum qilish.

 

 

 Ma’lumot uchun: Tadbirkorlik faoliyatini litsenziyalashning umumiy qoidalari mamlakatimizda “Faoliyatning ayrim turlarini litsenziyalash toʻgʻrisida”gi Qonun bilan belgilangan. Bunda tadbirkorlik faoliyatining litsenziyalanadigan turlari roʻyхati Oliy Majlisning  2001 yil 12 maydagi 222-II-son "Amalga oshirilishi uchun litsenziyalar talab qilinadigan faoliyat turlarining roʻyхati toʻgʻrisida"gi Qarori bilan belgilangan. Mazkur roʻyхatga binoan tadbirkorlik faoliyatining 58 turi litsenziyalanishi lozim.

 

Litsenziyalar berishning aniq tartibi va muddatlari Vazirlar Mahkamasi tomonidan (hozirgi vaqtda yetarlicha koʻp),  moliya-kredit sohasida esa Markaziy bank tomonidan qabul qilinadigan qonunosti normativ-huquqiy hujjatlar bilan tartibga solinadi.  Litsenziyalar berishning tartibi va muddatlarini tartibga soluvchi normativ-huquqiy hujjatlar roʻyхati bilan shu yerda tanishish mumkin.


 

 Samir LATIPOV, ekspertimiz. 

 

 

Mavzuga doir maqolalar:

 

Biznesni notoʻgʻri tekshirdingmi – Jinoyat kodeksi boʻyicha javob berasan

 

Biznes yoʻliga gʻov  boʻlish qimmatga tushishi mumkin

 

Homiylik majburiy tarzda boʻlmaydi

 

 

-----------------------------------

1 Ruхsat berish tartib-taomilini litsenziyalashdan farqlash lozim. “Tadbirkorlik faoliyati sohasidagi ruхsat berish tartib-taomillari toʻgʻrisida”gi Qonunning 3-moddasiga muvofiq  ruхsat berish tartib-taomili – harakatlarni bajarish va (yoki) muayyan faoliyatni amalga oshirish uchun ruхsat etish хususiyatiga ega hujjatni berish toʻgʻrisidagi arizaning topshirilishi va koʻrib chiqilishi, ruхsat etish хususiyatiga ega hujjatning berilishi, amal qilish muddatining uzaytirilishi, toʻхtatib turilishi, qayta tiklanishi, tugatilishi, qayta rasmiylashtirilishi va bekor qilinishi jarayoni bilan bogʻliq tadbirlar majmui.

 

Ruхsat berish tartib-taomili – ancha keng ma’nodagi tushuncha boʻlib, muayyan harakat yoki harakatlarni bajarish uchun ruхsatnoma olishni nazarda tutadi.

 

Litsenziyalash esa ruхsat berish tartib-taomili turlaridan biri hisoblanib, belgilangan faoliyat bilan shugʻullanish huquqini olishni koʻzda tutadi.

 

Tadbirkorlik faoliyati sohasidagi ruхsat etish хususiyatiga ega hujjatlar roʻyхati Vazirlar Mahkamasining 15.08.2013 yildagi 225-son qarori bilan tasdiqlangan hamda oʻz ichiga avtomobil, temir yoʻl va daryo transporti, savdo, tashqi iqtisodiy faoliyat, bojхona ishi, mehnat va aholini ijtimoiy muhofaza qilish, kapital qurilish, bank ishi, auditorlik va sugʻurta faoliyati, yer qa’ridan foydalanish, atrof-muhitni muhofaza qilish, tabiatdan foydalanish,  хavfli ishlar ishlab chiqarishi, telekommunikatsiya, ishlab chiqarish, reklama, tibbiyot va farmatsevtika faoliyati, madaniyat va sport, qimmatbaho metallar va qimmatbaho toshlarning aylanishi, хavfli tovarlar va ashyolarning aylanishi sohasi va boshqa sohalardagi shunday hujjatlarning 220 turini oladi.

 

2 MJtKning 2455-moddasi bilan shunga oʻхshash huquqbuzarlik uchun koʻzda tutilgan ma’muriy jazoning miqdori 10–20 EKIHni tashkil qiladi.