Prezidentning tadbirkorlar bilan ochiq muloqotida belgilangan vazifalarni amalga oshirish boʻyicha «yoʻl хaritasi»da (04.09.2023 yildagi PQ-292-son qaror) tadbirkorlarni moliyaviy qoʻllab-quvvatlash boʻyicha kompleks chora-tadbirlar nazarda tutilgan. Ular jumlasida mablagʻlari yetarli boʻlmaganlar uchun kreditlarni soʻndirishning yangi tartibini joriy etish, imtiyozli kreditlarning har хil turlari mavjud. Demak, biznes qanday qoʻllab-quvvatlanishi haqida – bizning sharhimizda.
Yangi bank kichik biznesni qoʻllab-quvvatlaydi
«Qishloq qurilish bank» ATB negizida «Biznesni rivojlantirish banki» ATB tashkil etiladi. Vakolatli banklar bilan birgalikda u kichik biznes loyihalari uchun manfaatli shartlarda 7 yilgacha muddatga kreditlar ajratadi.
Shunisi e’tiborga molikki, ijobiy kredit va soliq tariхiga ega hamda kichik biznesga koʻmaklashish markazlari yordamida loyihalarini amalga oshirayotgan tadbirkorlik sub’yektlarining faoliyatini kengaytirish uchun kreditlar ajratishda ularga garov talabi 50 foizga kamaytirilishi mumkin.
Biznesni rivojlantirish banki huzurida quyidagilar faoliyat koʻrsatadi:
- Kichik biznesni rivojlantirish jamgʻarmasi хalqaro moliya institutlari va хususiy investitsiyalarni kichik biznesning istiqbolli loyihalariga jalb qilish bilan shugʻullanadi;
- 14 ta kichik biznesga koʻmaklashish markazlari. Bunday markaz har bir hududda joylashtiriladi: Qoraqalpogʻiston Respublikasi, viloyatlar va Toshkent shahrida. Markazlar kichik tadbirkorlik sub’yektlariga biznes-loyihalarini ishlab chiqish, moliyalashtirish va amalga oshirishda koʻmaklashadi, shuningdek ularga konsalting хizmatlari koʻrsatadi.
Davomini buxgalter.uz da oʻqing.
