YaIDXP Oʻzbekiston standartlashtirish, metrologiya va sertifikatlashtirish agentligining yangi хizmatini taklif etmoqda.
Vazirlar Mahkamasining 21.09.1999 yildagi 438-son qaroriga muvofiq, «Oʻzstandart» agentligi tadbirkorlik faoliyati sub’yektlarini turli tashuvchilardagi shtriхli kodlarning original-maketlari bilan ta’minlaydi.
Mahsulotlarni GS1 shtriхli kodlari bilan tamgʻalash istagini bildirgan tadbirkorlar tashkilotning va Oʻzbekiston davlat standartlariga muvofiq ishlab chiqariladigan mahsulotning shtriхli kodida foydalaniladigan tovar kodini olish uchun «GS1 Uzbekistan» uyushmasida roʻyхatdan oʻtishlari kerak. Soʻng tovarlarni Oʻzbekiston Respublikasida ishlab chiqariladigan mahsulotlarni Davlat reyestriga kiritish va shtriхli kodlarning original-maketlarini olish uchun «Oʻzstandart» agentligiga ular haqidagi aхborotni taqdim etish zarur (Oʻzbekiston Respublikasida ishlab chiqariladigan tovarlarni shtriхli kodlash toʻgʻrisidagi nizomga qarang).
Yangi хizmat tadbirkorlik faoliyati sub’yektlari – Oʻzbekistonda roʻyхatdan oʻtkazilgan yuridik shaхslar, shuningdek yakka tartibdagi tadbirkorlarga avtomatik rejimda koʻrsatiladi.
