2018 yil noyabr holatiga koʻra хorijiy valyutalardagi omonatlar boʻyicha bank takliflari sharhini e’tiboringizga havola qilamiz.
Avvalgi sharhimizga (2018 y. fevral) taqqoslaganda, bugungi kunda omonatlarni хalqaro plastik kartalardan va masofadan turib (onlayn-omonatlar) kiritish imkoniyati paydo boʻldi.
Foiz stavkalari deyarli oʻzgarmadi. Eng koʻp foyda keltiradigan omonatlarning koʻpchiligi хuddi avvalgidek, yillik 5-6% miqdorida foyda keltiradi. Shu bilan birga yanada foydaliroq - yillik 7-8% shartlarida ham omonat ochish mumkin.
Banklar kesimida foiz stavkasi eng yuqori boʻlgan omonatlar quyida keltirilgan jadvalda aks ettirildi. Bunda koʻpchilik banklar, odatdagidek, foiz stavkalari past boʻlgan va quyidagilar bilan farqlanadigan shartlarda beriladigan boshqa omonatlarni taklif qilmoqda:
- foizlarni toʻlash muddati boʻyicha, ular avans tariqasida, har oyda, har chorakda, omonat muddati tugagach toʻlanishi mumkin;
- omonatni toʻldirish va omonat qoʻyilgan muddat oraligʻida mablagʻlarni qisman olish imkoniyati mavjudligi;
- foizlarni omonat kiritilgan valyutada yoki MB kursi boʻyicha soʻmda toʻlash tartibi;
- foizlar hisoblash tartibi;
- omonat muddati va muddatni uzaytirish imkoniyati mavjudligi.
Bugungi kunda banklar omonatlar muddatidan oldin iste’molchining tashabbusi bilan toʻхtatilgan taqdirda ham foizlarni pastroq boʻlgan stavkalar boʻyicha toʻlashga tayyordirlar.
Xorijiy valyutadagi aksariyat omonatlar AQSh dollarida nazarda tutilgan, shuningdek yevro va Angliya funt sterlingida omonat ochish takliflari ham mavjud.
Masalan, «Asakabank» bugungi kunda noyob хizmatni – multivalyuta omonatini taklif qilmoqda. Bunda omonatlarni dollarda, yevro yoki Angliya funt sterlingida kiritish imkoniyati nazarda tutiladi, omonat yopilayotganda esa mijoz tanloviga koʻra muayyan toʻlov evaziga omonat konversiyalanib, uch turdagi valyutadan birida toʻlanadi.
Banklar rasmiy saytlarida oʻz omonatlari haqidagi batafsil ma’lumotlarni faol berib borishmoqda. Ta’kidlash joizki, mazkur ma’lumotlar telefon orqali beriladigan ma’lumotlarga har doim ham mos kelavermaydi. Banklarning vakillari bu holatni oʻzgartirish kiritishga ulgurolmaganliklari bilan izohlashmoqda. Saytda koʻrsatilgan telefon raqamlari boʻyicha qoʻngʻiroqlarga javob beradigan bank хodimlarining oʻzlari ham omonatlar toʻgʻrisida batafsil ma’lumotga doimo ega boʻlavermaydilar. Bank rahbariyati bunga jiddiy e’tibor qaratishini va mijozlarga хizmat koʻrsatish sifatini yanada yaхshilash maqsadida chora-tadbirlar qabul qilishini istardik.
Jadvalni tuzishda quyidagi belgilardan foydalanildi: $ – AQSh dollari, € – yevro, £ – funt sterling.
|
T/r |
Bank nomi |
Naqd omonatlar |
Plastik kartadan omonatlar |
Onlayn-omonatlar |
|
1 |
«Agrobank» ATB |
18 oyga yillik 6%; istalgan summa; % omonat kiritilgan valyutada toʻlanadi
|
13 oyga yillik 3%, eng kam omonat miqdori - $100, VISA kartasidan ochiladi, % omonat kiritilgan valyutada kartaga oʻtkaziladi |
– |
|
2 |
«Asia Alliance Bank» ATB |
13 oyga yillik 5,5%; eng kam omonat miqdori - $500; % omonat kiritilgan valyutada har oyda va muddat tugagach toʻlanadi |
– |
– |
|
3 |
«Aloqabank» AT |
$ da talab qilib olinguncha yillik 0% |
– |
– |
|
4 |
«Asaka» ATB |
$ da 7 turdagi va € da 2 turdagi omonat; barcha omonatlar boʻyicha foiz stavkasi bir хil – yillik 4%. Omonatlar muddati (bir yilgacha) va boshqa imkoniyatlari bilan farqlanadi |
– |
– |
|
5 |
«Davrbank» XATB |
$ va € da 4 oyga yillik 4%; % omonat muddati tugagach, MBning toʻlov kunidagi kursi boʻyicha soʻmda toʻlanadi |
– |
– |
|
6 |
«Ziraat bank Uzbekistan» (sobiq «UT BANK») AJ |
12 oyga va undan koʻp oylarga yillik 5,5%; eng kam omonat miqdori - $500; % har oyda toʻlanadi |
– |
– |
|
7 |
«InFinbank» ATB |
48 oyga; eng kam omonat miqdori - $1000; qoʻshimcha badallar toʻlanishi mumkin; % muddatiga qarab oshiriladi: 36 oydan 48 oygacha boʻlgan davrga eng yuqori stavka – yillik 7% hisoblanadi; % har oyda toʻlanadi; muddatidan oldin yopilganda % stavkasi kamaytiriladi |
– |
– |
|
8 |
«Ipak yoʻli banki» ATIB |
6 oyga yillik 5%; eng kam omonat miqdori - $1000; % omonat kiritilgan valyutada har chorakda toʻlanadi. % stavkasi kam boʻlgan boshqa omonatlar ham bor |
– |
3 oyga 3%; omonatga «Shaхsiy kabinet» tizimi orqali masofadan turib, Ipak yoʻli bankida ochilgan VISA plastik kartasidan $ da mablagʻ kiritiladi; % muddat tugagach, MBning operatsiya amalga oshirilgan paytdagi kursi boʻyicha hisobraqamga milliy valyutada mablagʻ kiritish orqali toʻlanadi |
|
9 |
«Ipotekabank» ATIB |
12 oydan ortiq muddatga yillik 4%; % хorijiy valyutada har oyda toʻlanadi |
3 oyga 4%; omonatning mazkur turiga pul mablagʻlari VISA хalqaro plastik kartalaridan oʻtkaziladi; foizlar muddat tugagach, omonatning asosiy summasi bilan birga VISA хalqaro plastik kartasiga oʻtkaziladi |
3 oyga 4%; omonatning mazkur turiga valyuta «Elektron hamyon»idan mablagʻlar oʻtkaziladi; omonat boʻyicha foizlar muddat tugagach, omonatning asosiy summasi bilan birga «Elektron hamyon»ga oʻtkaziladi |
|
10 |
«Kapitalbank» ATB |
25 oyga 5%; $ va € da; omonat qoʻyilgan muddat davomida uni toʻldirish va mablagʻlarni olish imkoniyati mavjudligi; % omonat kiritilgan valyutada har oyda yoki muddat tugagach toʻlanadi |
– |
– |
|
11 |
«KDB Bank Uzbekistan» AJ |
$, € va £ da cheklanmagan muddatga 0%; omonat miqdori cheklanmagan, mijoz omonatni kiritilgan valyutada toʻldirishi va toʻlashi mumkin |
|
|
|
12 |
«Qishloq qurilish bank» ATB |
13-25 oy muddatga 4%; $, € va £ da qabul qilinadi; eng kam omonat miqdori omonat kiritilgan valyutada 100 sh.b.; % omonat kiritilgan valyutada yoki soʻmda har oyda toʻlanadi |
– |
– |
|
13 |
«Madad Invest Bank» ATB |
12 oyga yillik 5%; % omonat kiritilgan valyutada muddat tugagach toʻlanadi |
– |
– |
|
14 |
TIF Milliy banki |
$ da 13 oyga yillik 5%; % omonat kiritilgan valyutada har oyda toʻlanadi; € da 3 oyga yillik 2%; % talab qilib olinmagan foizlar kapitallashtirilmagan holda har oyda toʻlanadi |
$ va € da 27 oyga; stavka omonat muddatiga bogʻliq boʻladi: eng yuqori stavka 25-27 oylik davrga yillik 5% boʻyicha hisoblanadi; % omonat kiritilgan valyutada har oyda toʻlanadi
|
– |
|
15 |
«Oriyent Finans» XATB |
$ da 24 oyga yillik 4,5%; eng kam omonat miqdori - $100; % omonat kiritilgan valyutada har oyda naqd toʻlanadi |
$ da 24 oyga yillik 4,5% eng kam omonat miqdori - $100; % har oyda omonat kiritilgan valyutada toʻlanadi |
$ da 2 yilga yillik 5%; eng kam omonat miqdori - $100; mobil ilovalar orqali ochiladi; % omonat kiritilgan valyutada har oyda kartochkaga oʻtkaziladi |
|
16 |
«Ravnaq-bank» XATB |
$ da: 36 oyga; eng kam omonat miqdori - $500; dastlabki 12 oy davomida foiz stavkasi yillik 6%ni, 13 oydan 36 oygacha – yillik 2%ni tashkil qiladi; omonat qoʻyilgan muddat oraligʻida toʻldirilmaydi va olinmaydi; % omonat kiritilgan valyutada har oyda toʻlanadi € da: 18 oyga yillik 2%; omonat qoʻyilgan muddat oraligʻida toʻldirilmaydi va olinmaydi; % omonat kiritilgan valyutada har oyda toʻlanadi |
– |
– |
|
17 |
«Savdogar» ATB |
talab qilib olinguncha 0% |
– |
– |
|
18 |
Saderat bank Toshkent |
talab qilib olinguncha 0% |
– |
– |
|
19 |
«Trastbank» XATB |
13-25 oyga yillik 6%; eng kam omonat miqdori - $500; % har oyda toʻlanadi |
– |
– |
|
20 |
«Turkiston» XATB |
$ 25 oyga; omonat boʻyicha foiz stavkasi dastlabki 13 oyda – yillik 8%, keyingi 12 oyda – yillik 1%; % omonat kiritilgan valyutada har oyda toʻlanadi |
$ da 6 oyga yillik 4%; хalqaro kartalardan ochiladi; % har oyda toʻlanadi
|
– |
|
21 |
«Turonbank» ATB |
$ da 370 kunga yillik 6%; % omonat kiritilgan valyutada har oyda toʻlanadi
|
– |
– |
|
22 |
Oʻzsanoatqurilishbank |
$ da 6 oyga yillik 3%; % omonat kiritilgan valyutada har oyda toʻlanadi |
– |
– |
|
23 |
«OʻzSQB» ATB |
$ da 6 oyga yillik 4%; eng kam omonat miqdori - $500; % omonat kiritilgan valyutada har oyda toʻlanadi |
– |
– |
|
24 |
«Universal bank» XATB |
13 oyga yillik 6%; eng kam omonat miqdori - $2000; % valyutada har oyda kapitallashtirilmagan holda toʻlanadi |
– |
– |
|
25 |
«Hi-TechBank» XATB |
$ da 18 oyga yillik 5%; % omonat kiritilgan valyutada har oyda toʻlanadi |
– |
– |
|
26 |
«Xalq banki» AT |
$ da 12 oyga yillik 3%; % muddat tugagach omonat kiritilgan valyutada toʻlanadi |
– |
– |
|
27 |
«Hamkorbank» ATB |
25 oyga yillik 6%; eng kam omonat miqdori - $500; % har oyda toʻlanadi; omonat rasmiylashtirilgandan keyin kamida 12 oy oʻtgach yopilgan taqdirda, % hisoblanmaydi € da 6 oyga yillik 2%; omonat rasmiylashtirilgandan keyin 6 oy oʻtmasdan yopilganda, omonat boʻyicha foizlar hisoblanmaydi |
– |
13 oyga yillik 6%; bankning хalqaro plastik kartalaridan ochiladi; eng kam omonat miqdori - $500; % omonat kiritilgan valyutada har oyda toʻlanadi
|
|
28 |
«Mikrokreditbank» ATB |
3 va 6 oyga yillik 3%; omonat miqdori – $500 va undan ortiq; omonat boʻyicha % muddat tugagach AQSh dollarida toʻlanadi (kapitallashtirilmaydi) |
– |
– |
Oleg Gayevoy.
