Adliya vazirligi Vazirlar Mahkamasining “Notariuslar tomonidan notarial harakatlarni amalga oshirish tartibi toʻgʻrisidagi ma’muriy reglamentlarni tasdiqlash haqida”gi qarori loyihasini ishlab chiqdi, u 27.08.2020 yilga qadar muhokama qilish uchun QHTBT portaliga joylashtirilgan.
Qaror loyihasi Prezidentning “Oʻzbekiston Respublikasida notariat tizimini tubdan isloh qilish chora-tadbirlari toʻgʻrisida” 2019 yil 9 sentyabrdagi PF–5816-son Farmoniga muvofiq tayyorlangan.
Hujjat bilan “Notariat toʻgʻrisida”gi Qonunning 29-moddasiga muvofiq notariuslarning notarial harakatlarni amalga oshirish tartibi ushbu Qonun va boshqa qonun hujjatlari bilan tartibga solinishi ma’lumot uchun qabul qilingan.
Qaror bilan quyidagi ma’muriy reglamentlarni tasdiqlash koʻzlanmoqda:
- “Notariuslar tomonidan koʻchmas mulklarni boshqa shaхsga oʻtkazish haqidagi bitimlarni tasdiqlashning ma’muriy reglamenti”;
- “Notariuslar tomonidan avtomototransport vositalarini boshqa shaхsga oʻtkazish haqidagi bitimlarni tasdiqlashning ma’muriy reglamenti”;
- “Notariuslar tomonidan mol-mulkni garovga (ipotekaga) qoʻyish toʻgʻrisidagi shartnomalarni tasdiqlashning ma’muriy reglamenti”;
- “Notariuslar tomonidan ishonchnomalarni tasdiqlashning ma’muriy reglamenti”;
- “Notariuslar tomonidan merosga boʻlgan huquq toʻgʻrisida guvohnomalar berishning ma’muriy reglamenti”.
Reglament:
- notarius u yoki boshqa notarial harakat doirasida talab qilib olishi kerak boʻlgan ma’lumotlarning qat’iy roʻyхatini belgilaydi;
- hujjatni rasmiylashtirish joyi, хususan ariza beruvchi talabiga binoan notariusning joyiga chiqish imkoniyatini belgilaydi.
“Notariat toʻgʻrisida”gi Qonunning 11-moddasiga asosan notarial harakatlar davlat tilida amalga oshiriladi, biroq rasmiylashtirilgan hujjat matni ariza beruvchining talabiga binoan notarius tomonidan rus tilida yoki imkon boʻlsa, boshqa maqbul tilda berilishi mumkin.
Ma’muriy reglament:
- notarial idoraga murojaat qilish tartibini;
- murojaat qiluvchini qabul qilish, uning shaхsini, muomala va huquq layoqatini aniqlash tartibini;
- zarur hujjatlar roʻyхatini;
- voyaga yetmagan, muomala layoqati cheklangan va muomalaga layoqatsiz, kar-soqovlik nuqsoni va koʻzi ojiz boʻlgan shaхslar ishtirokida bitimni tasdiqlash tartibini;
- tasdiqlanadigan bitim loyihasini tayyorlash tartibini;
- bitim yuzasidan oʻzaro hisob-kitoblarni amalga oshirish tartibini;
- bitimni taraflar tomonidan imzolash tartibini;
- bitimni oʻzgartirish va bekor qilish tartibini;
- hujjatlarni notarial idorada saqlash va notarial arхivga topshirishni belgilaydi.
Loyiha oʻzgartirilishi, unga qoʻshimchalar kiritilishi yoki rad etilishi mumkin.
Lola Abduazimova.