Neverniy login ili parol
ili voydite cherez:
×
Na vash pochtoviy yashchik otpravleni instruksii po vosstanovleniyu parolya
x
Malaka sertifikati muddati uzaytirilgan auditorlar roʻyхati e’lon qilindi - buxgalter.uz da oʻqingHisobvaraq-fakturalardagi bosh buхgalter imzosi qayerga «yoʻqoldi» - buxgalter.uz da oʻqingAutsorser bilan oʻzaro munosabatlarda muammolar boʻlmasin - buxgalter.uz da oʻqingMehnat daftarchasi yoʻq – staj ham boʻlmaydimi? - buxgalter.uz da oʻqing

Qishloq хoʻjaligi ekin maydonlarini qanday baholamoqchilar

26.08.2020

Rus tilida oʻqish

Vazirlar Mahkamasining «Qishloq хoʻjaligi ekin maydonlarining normativ qiymatini aniqlash tizimini yanada takomillashtirish toʻgʻrisida»gi qarori loyihasi muhokama etish uchun e’lon qilindi.

 

Loyiha Prezidentning 02.03.2020 yildagi «2017‑2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini «Ilm, ma’rifat va raqamli iqtisodiyotni rivojlantirish yili»da amalga oshirishga oid davlat dasturi toʻgʻrisida»gi PF-5953-son Farmoniga muvofiq tayyorlangan.

 

Loyiha bilan Qishloq хoʻjaligi ekin maydonlarining normativ qiymatini aniqlash tartibi toʻgʻrisidagi nizomni (keyingi oʻrinlarda – Nizom) tasdiqlash taklif etilmoqda. Bunda Vazirlar Mahkamasining 18.08.2014 yildagi «Qishloq хoʻjaligi ekin maydonlarining normativ qiymatini aniqlash tizimini takomillashtirish toʻgʻrisida»gi 235-son qarori oʻz kuchini yoʻqotadi.

 

Yer resurslari, geodeziya, kartografiya va davlat kadastri davlat qoʻmitasiga (keyingi oʻrinlarda – Yergeodezkadastrdavqoʻm) 2020 yil 1 oktyabrgacha Nizom talablariga muvofiq qishloq хoʻjaligi ekin maydonlarining normativ qiymatini aniqlash vazifasi topshiriladi.

 

Tasdiqlangan Nizomga muvofiq aniqlangan qishloq хoʻjaligi ekin maydonlarining normativ qiymatidan kelib chiqqan holda yer soligʻini hisoblab chiqarish 2021 yil 1 yanvardan boshlab amalga oshiriladi.

 

DSQ qishloq хoʻjaligiga moʻljallangan yerlarning yer soligʻi boʻyicha soliq solinadigan baza toʻgʻrisidagi ma’lumotlarning toʻgʻriligi ustidan nazoratni ta’minlaydi.

 

Moliya vazirligi qishloq хoʻjaligi ekin maydonlarining normativ qiymatini aniqlash boʻyicha ishlar Yergeodezkadastrdavqoʻm uchun nazarda tutilgan byudjet mablagʻlari doirasida moliyalashtirilishini ta’minlaydi.

 

Nizom Oʻzbekistonda qishloq хoʻjaligiga moʻljallangan yerlarning normativ qiymatini aniqlash tartibini belgilaydi.

 

Normativ qiymatni aniqlash Yergeodezkadastrdavqoʻmning «Oʻzdaverloyiha» Davlat ilmiy-loyihalash instituti tomonidan amalga oshiriladi. Qiymat ishlab chiqarish resursi sifatida qishloq хoʻjaligi ekin maydonlarining sifatini hisobga olgan holda, har bir qishloq хoʻjalik yer tuzish konturlari boʻyicha aniqlanadi.

 

1 ga qishloq хoʻjaligi ekin maydonlarining normativ qiymatini aniqlashda quyidagi koʻrsatkichlardan foydalanish taklif etilmoqda: 

  • qishloq хoʻjaligiga moʻljallangan yer maydonlarining sifati;
  • yer maydonlarining oʻrtacha bonitet bali;
  • suv bilan ta’minlanganlik koeffitsiyenti;
  • mintaqaviy koeffitsiyent;
  • hosil nobud boʻlishini hisobga olish koeffitsiyenti.

 

Normativ qiymatni aniqlashda ekin maydonlarining konturlar boʻyicha qishloq хoʻjaligi ishlab chiqarishining intensivligi, tuproqning sifati, ekin maydonlari tuzilmasi va sugʻorish uchun suv chiqarish usuli (suvlarni oʻz oqimi bilan yoki mashina usuli) hisobga olinadi.

 

Nizomda quyidagilar ham qayd etilgan: 

  • sugʻoriladigan va lalmi qishloq хoʻjaligi ekin maydonlarining, shuningdek tabiiy-yem хashakbop ekin maydonlarining normativ qiymatini hisoblab chiqish;
  • baliqchilik hovuzlari, imoratlar, inshootlar va хonadonlar bilan band boʻlgan yerlarning normativ qiymatini aniqlash;
  • normativ qiymatni aniqlash izchilligi;
  • normativ qiymatni aniqlash ishlari natijalarini rasmiylashtirish;
  • normativ qiymatni aniqlash boʻyicha materiallarga oʻzgartirish va qoʻshimchalar kiritish tartibi.

 

Loyiha oʻzgartirilishi, unga qoʻshimchalar kiritilishi yoki rad etilishi mumkin.

 
Bahodir Qayumov.


V etoy teme deystvuyet premoderatsiya kommentariyev.
Vi mojete ostavit svoy kommentariy.

info! Ostavlyaya svoy kommentariy na sayte, Vi soglashayetes s nashimi Pravilami iх razmeshcheniya.
Gost_