Prezidentning 14.03.2018 yildagi «Xalqaro shartnomani tasdiqlash toʻgʻrisida»gi PQ–3604-son qarori imzolandi. Hujjat davlatimiz rahbarining rasmiy saytida e’lon qilingan.
Oʻzbekiston Dushanbe shahrida 2018 yil 9 martda imzolangan Oʻzbekiston Respublikasi Hukumati bilan Tojikiston Respublikasi Hukumati oʻrtasida fuqarolarning oʻzaro safarlari toʻgʻrisidagi bitimni tasdiqladi. U Prezident Sh. Mirziyoyevning qoʻshni mamlakatga davlat tashrifi doirasida tuzilgan edi.
Tojikiston хuddi shunday yoʻsinda tasdiqlaganidan soʻng Bitim kuchga kirishiga qaramay, Oʻzbekiston uni mamlakatimiz hududiga kiruvchi, undan chiquvchi, tranzit oʻtuvchi va unda vaqtincha boʻluvchi Tojikiston Respublikasi fuqarolariga nisbatan 2018 yil 16 martdan boshlab qoʻllay boshlaydi.
Ilgari TIV хabar berganidek, Bitimda ikkala mamlakat fuqarolari uchun boshqa davlat hududida 30 kun davomida vizasiz boʻlish imkoniyati nazarda tutilgan.
Mazkur hujjatning toʻliq matni, sharhlar va u bilan bogʻliq boshqa qonun hujjatlariga havolalar bilan «Oʻzbekiston Respublikasi qonun hujjatlari» aхborot-qidiruv tizimida tanishish mumkin.
Samir Latipov.
.png)
